Í bóli bjarnar

Strákur

2008-11-04T17:33:00.002+01:00

Við eignuðumst strák í morgun, kom í heiminn klukkan 7:04. 3580g, 51cm og við erum öll spræk.
Meira seinna.

Kv Olgeir

Snjór

2008-10-30T09:02:00.003+01:00

Þá er fyrsti snjórinn kominn. Það er ótrúlegt hvað allt er mikið bjartara fyrir vikið, jafnvel upplífgandi. Þetta eru nú svo sem engin ósköp, rétt smá þrifalag yfir allt. En það spáir snjókomu út vikuna þannig að það gæti verið fljótt að breytast þótt aðalsnjórinn komi ekki fyrr en eftir áramót.

37 vikur.. and counting!

kv
RG

Vetrartími

2008-10-26T14:58:00.002+01:00

Þá er búið að skipta yfir á vetratíma. Græddum við því aftur þennan klukkutíma sem tekinn var af okkur í vor. Meira hringlið með þetta alltaf hreint. Þrátt fyrir að dagatalið segi að hér sé kominn vetur, þá vottar ekkert mikið fyrir honum úti við. Hitastigið er búið að vera um 8 gráður og ekkert svo mikil rigning einu sinni. Það er reyndar farið að rökkva strax upp úr 3 á daginn (í gær var það reyndar um 4..hahah.. svindlarar!) og þess vegna mætti alveg koma smá snjór að lýsa upp umhverfið.

Annars ekkert títt. Nú er ein og hálf vika í vörnina og prófið, og ég er alveg fáránlega pollróleg yfir þessu. Skil ekkert í mér, ætli það sé ekki bara ástandið.

Ha det godt,
kv
Ragga

Ritgerðarskil

2008-10-17T11:43:00.003+02:00

Ég er búin að skila ritgerðinni aaaaaaaaaaaaaaaAAAAAAAAAAAAAAAAAAAAA

Loksins :) það hlaut að koma að þessu á endanum. Og þá er það bara vörnin eftir 3 vikur. Vá hvað það verður skrýtið að setja endapunktinn við þessi 2 ár. Þau hafa verið sjúklega fljót að líða.

Kærar skilakveðjur til ykkar allra,
Ragga

2008-10-07T13:08:00.004+02:00

Merkileg þessi umfjöllun á NRK1. Ótrúlegt viðtalið við Má Másson.. eða ótrúlegt, það er auðvitað engin leið að verja þessa vitleysu.

http://www1.nrk.no/nett-tv/indeks/146301

Úff

2008-10-06T21:42:00.002+02:00

Það fer allur tími í að fylgjast með fréttum þessa dagana og því lítill tími til blogg skrifa. Ástandið ekki sem bjartast á Íslandi og ekki laust við að maður velti því aðeins fyrir sér hvort það sé sniðugt að koma heim um áramótin. Einfaldast og ódýrast fyrir okkur væri að Noregur mundi innlima Ísland, þá kæmumst við ,,fræðilega séð" heim án þess að hreyfa okkur spönn frá rassi. Annars held ég að maður láti ekki kreppu á sig fá og komi heim fullur bjartsýni um áramótin og fá sér vinnu, eða skapi sér vinnu ef ekki vill betur, við áþreifanlega hluti.

Kv. Olgeir

2008-09-25T09:06:00.002+02:00

Í fyrrakvöld fórum við Olli í kvöldgöngu í skóginum eins og svo oft áður. Mætti okkur þá gríðarstór froskur, eða alveg 15 cm flykki. Ég hafði ekki hugmynd um að þeir lifðu svona norðarlega. Kannski var þetta ævintýraprins í álögum. Hver veit!?!

Í morgun var snjór niður í miðjar hlíðar allt í kringum okkur og frostskæni á pollum. Held meira að segja að það sé spáð snjókomu í næstu viku. Sennilega er haustið þá bara búið, stutt gaman það.

Kv,
Ragga

2008-09-18T21:39:00.003+02:00

Það er ekki seinna vænna en að setja link hérna inná bumbumyndasíðuna okkar (svona þar sem þessi meðganga er nú alveg að klárast!). Þá sem langar að kíkja geta sent okkur póst til að fá aðgangsorðið.

Bumbumyndir

Annars er bara mest lítið að frétta. Haustið skartar sínu fegursta þessa dagana og nú getur maður farið að sjá norðurljósin aftur :)

Ha det godt,
Ragga og Olli

Svea

2008-09-11T22:04:00.001+02:00

Ég setti inn myndir frá Svea. Þær eru reyndar teknar á gömlu litlu vélina okkar þannig að þær eru frekar óskýrar, en það er nú auka atriði.
Kv. Olgeir

Til baka

2008-09-09T21:40:00.003+02:00

Jæja, ég komst heim frá Svalbarða á hentugum tíma. Allt útlit var fyrir að við þyrftum að eyða viku á barnum í Longyearbyen þar sem ekki fékkst flug fyrir okkur heim fyrr en 12. september. Við ákváðum samt að gera heiðarlega tilraun síðasta föstudag og mættum við innritunarborðið í Longyearbyen hálftíma fyrir opnun og skráðum okkur á biðlista. Heppnin var með okkur og fengum við að fljóta með til Tromsö. Það var ljúft að komast heim eftir tvær vikur og losna við kolarykið, frostlögsklístrið og díselolíu ilminn. Við vorum semsagt að byggja við forhitunarstöð fyrir kolanámuna í Svea, Svea nord. Settum upp 1,6MW ketil, hitaeliment og blásara sem blæs 70000m3/klst. Fyrir er varmi upp á 4,4MW og blásarar upp á 140000m3/klst. Um 50°C heitu lofti er svo blásið inn í námugöngin til að halda hita á mannskap og vélum. Þetta gekk fínt og virkar vonandi allt.
Veðrið á Svalbarða var frábært, um 4-6°C hiti á daginn og sól flesta dagana. Mjög fallegt og gaman að sjá þetta á þessum árstíma líka. Fjöllin í Svea hafa svo skemmtilegan lit í sólinni, gulgrárauðleitt, get ekki alveg lýst því en það er góð stemning sem myndast við þessa birtu.
Það var mjög mikið af ref á ferðinni í Svea núna og komu þeir reglulega að kíkja á mann. Sennilega hafa þeir komist upp á lag með að sníkja mat hjá einhverjum og athuga því allar manneskjur á svæðinu.
Svo var merkilegt hvað birtan minnkaði mikið á þessum tveimur vikum, frá því að vera bjart alla nóttina niður í myrkur 1-2 tíma, gerðist ótrúlega hratt.
Læt þetta nægja í bili og set svo inn nokkrar myndir á morgun.
Kv. Olgeir

Haust

2008-09-03T19:15:00.002+02:00

Þá eru haustrigningarnar byrjaðar og æ fleiri gul laufblöð eru sjánleg á hverjum degi. Ég tók eftir því seinni partinn að Tromsdalstindurinn var alhvítur niður í miðjar hlíðar. Það ætti nú ekki að öllu jöfnu að fara fram hjá manni á morgnana en sennilega er ég með hugann við eitthvað annað...

Olli er enn á Svalbarða og verður kannski fram yfir helgi. Hann á reyndar ekki pantað flug heim fyrr en 15. september (þökk sé hinum ofur skipulögðu og rökrétt þenkjandi yfirmönnum) en sennilega kemst hann samt heim fyrir þann tíma. Í versta falli yrði hann að húkka sér far með gámaflutningaskipi. Eða kannski ekki versta falli. Það er auðvitað mikið betra að ferðast með skipum heldur en flugvélum finnst mér.

Ha det godt,
Ragga

Copepod mambo

2008-08-30T18:06:00.001+02:00

Lítill og sætur cyclopoid tekur snúning. Gjöriði svo vel..

Svalbarði

2008-08-21T22:01:00.002+02:00

Ég skrepp upp á Svalbarða á mánudaginn kemur, þarf að tengja einn miðstöðvarofn í Svea. Ofninn er að vísu 1,4MW og við hann tengd vifta sem blæs 70000m3 á klukkustund. Þetta á að taka viku það sem ég á að gera, vona að það standist. Annars er ekki svo slæmt að tefjast ögn í Svea, fínt mötuneyti þar. Þetta er sem sagt viðbótar upphitun fyrir kolanámurnar í Svea sem við erum að græja.

Fyrst minnst er á Svalbarða þá var þessi lipri ísbjörn á ferðinni þar í gær.

Annars er allt gott að frétta héðan. Síðustu kvöld hafa farið töluvert í að horfa á ÓL. Norska sjónvarpið stendur sig ágætlega í að sýna frá skemmtilegu íþróttunum, það er skotfimi, hjólreiðum og fleiru.

Kv. Olgeir

Bee Gees - Nights on Broadway

2008-08-16T05:07:00.011+02:00

I Want to Break Free

2008-08-16T05:07:00.009+02:00

Örlítið

2008-08-11T22:00:00.002+02:00

Jæja, þá er best að sýna örlítinn vott af lífsmarki. Nú er sumarfríið búið og ég byrjaður að vinna og Ragga að skrifa. Við höfðum það fínt í sumarfríinu og fengum fínar heimsóknir frá foreldrum og tengdaforeldrum.
En nú fer lífið að komast í rútínu aftur og maður verður vonandi ögn duglegri að skrifa hér.
Við skelltum inn gommu af myndum ef einhver hefur áhuga.

Kv. Olgeir

Sumarfrí

2008-07-15T16:15:00.002+02:00

Þá er sumarið byrjað og jafnvel næstum búið. Eða svona hálfnað. Þar sem júlí er líka hálfnaður er ekki úr vegi að uppfæra vísdómsorð mánaðarins! Fyrstu gestir sumarsins eru komnir og farnir aftur og við bíðum spennt eftir næstu heimsókn sem fer nú alveg að bresta á.

Við bættum inn nokkrum myndum af ferðum okkar það sem af er sumri.

Sumarkveðja,
Ragga og Olli

P.s. Í tilefni þess að við vorum að þvælast í Svíþjóð þá fær eitt sænskt lag að fljóta með:

Kåta Maja - Sing Along

2008-07-15T16:09:00.001+02:00

Júní og myndir

2008-06-29T15:39:00.003+02:00

Jæja það er best að gefa örlítil lífsteikn frá sér. Hér í Tromsö gengur allt sinn vana gang. Ragga er í Umeå í Svíþjóð og ég er hér í Tromsö. Ég hef svosem mest eytt tímanum í að vinna enda eiga öll verk að klárast fyrir sumarfrí. Blokkin mín er á nokkuð góðu róli, en sama er ekki að segja um hótel og veitingastað sem fyrirtækið er með í að byggja þannig að ég og fleirri höfum verið sendir þangað flest kvöld og laugardaga.
Á morgun er síðasti vinnudagurinn minn fyrir sumarfrí. 1. júlí verður svo eytt í að þrífa íbúðina hátt og lágt. 2. júlí koma svo mamma og pabbi í heimsókn. 3. júlí keyrum við svo beinustu leið til Kiruna í Svíþjóð þar sem Ragga kemur á móti okkur með lest. Eyðum svolitlum tíma þar og keyrum svo eitthvað um Lappland inn í Finnland og svo heim til Tromsö.
Um miðjan júlí koma svo tengdó í heimsókn og þá verður að sjálfsögðu eitthvað rúntað líka, ef Volvóinn samþykkir það.
En jæja nú er kominn tími á kaffi og hjólatúr.

Kveðja Olgeir

P.s. Ég setti nokkrar júní myndir inn á myndasíðuna.

Svithjod baby!

2008-06-14T20:38:00.003+02:00

Tha er eg komin til Svithjodar, nanar tiltekid Umeå. Eda reyndar er eg ekki i Umeå heldur adeins fyrir utan.. eins og venjulega. Her er sumar og sol og allt voda graent sem er skemmtileg tilbreyting. Ferdalagid hingad tok mig alveg heila 3 daga thar sem ferdir hittust ekkert serlega vel a. Olli keyrdi mig til Narvikur a sunnudaginn sidasta og thar var eg i eina nott. Thadan tok eg lest til Umeå. Su ferd tok um 10 tima. Eg gisti sidan eina nott i Umeå og siddegis daginn eftir hitti eg svo samnemendur mina og vorum vid öll sott a flugvöllinn i Umeå.

Lestarferdin var nokkud skemmtileg og var gaman ad sja landslagid breytast eftir thvi sem nedar dro og vid faerdumst naer Eystrasaltinu. Thar sem vid forum yfir landamaerin var snjor vidast hvar og einnig var um 10 cm snjor i Kiruna, sem er nyrsta borg Svithjodar. I Kiruna eru their ad faera midbaeinn eins og hann leggur sig, thar sem namurnar eru farnar ad na honum og hann stendur thvi a verdaetu landi.

Ha det godt!
kv
Ragga

Dýrast í Evrópu

2008-05-26T16:46:00.002+02:00

Ég las frétt um daginn þess efnis að við Tromsö búar borgum hæsta eldsneytis verð í Evrópu, sennilega svona nærri 210 íkr. Það er margt sem maður getur verið stoltur af sem Tromsö búi.
Annars er lítið að frétta hér, vorið kemur hægt og sígandi, með hita á milli 5 og 7 gráður, og örlítilli grænni slikju á trjánum.
Vor kvefið náði mér 17. maí og er búið að vera að grassera í mér í vikunni. Það náði svo að leggja mig um helgina. En ég hef snúið vörn í sókn þannig að þetta er allt að koma.
Í dag sá ég að ég hafði misst af fornbílasýningu í miðbænum á laugardag. Það hefði verið gaman að sjá enda mikið af þýskum stríðsárabílum til hér. Bílum sem voru seldir af úthlutunarnefnd fjandsamlegra eigna eftir seinna stríð. Hér í Tromsö, og sennilega í Noregi öllum var ansi mikið af bílum gert upp eftir stríð og notaðir í áratugi á eftir. Bílar sem voru nánast ónýtir 1945 gengu margir fram yfir 1960.

Læt þetta nægja í bili
Kv. Olgeir

Þjóðhátíðardagur Norðmanna 17. maí

2008-05-17T18:03:00.007+02:00

Í dag er þjóðhátíðardagur Norðmanna. Að sjálfsögðu fórum við í bæinn og horfðum á skrúðgöngur með tilheyrandi lúðrablæstri. Virtum fyrir okkur allar mögulegar gerðir af þjóðbúningum sem fólk klæðist á 17. maí. Drukkum kakó á kaffihúsi, borðuðum pulsu og lentum óvart í messu (það var í það minnsta hlýtt í kirkjunni).
Veðrið var nú ekki sem best, slyddu él og hiti rétt yfir frostmarki enda vorum við gegnköld eftir 4 klst rölt um bæinn og gott að komast heim og fá sér heitt kaffi og köku.
Við settum helling af myndum frá deginum inn í albúmið okkar, aldrei þessu vant myndir af fólki en ekki fjöllum og bílum.

Kv. Olgeir

Keðjur

2008-05-13T21:31:00.002+02:00

Eftir óhóflega snjókomu síðasta sólarhringinn neyddist ég til að setja keðjur undir Vollann til að komast í vinnuna í morgun. Það var nú eiginlega komið vor og jafnvel vottur af sumri, en það hvarf snögglega. Nú er reyndar komið glaða sólskin, sem er eins gott því ég var farinn að finna veðurfarinu hér í Tromsö allt til foráttu. Reyndar er ég sannfærður um að veturinn á Svalbarða var í raun léttari, í það minnsta mikið minni snjór, mikið þurrari snjór og mikið ódýrari bjór.
Ástæðan fyrir að ég leyfði ekki Volvónum að hvíla sig heima í dag, eins og undanfarna daga, var að ég þurfti að flytja verkfærin mín frá blokkinni, sem ég hef unnið í síðustu 8 mánuði , á nýtt byggingarsvæði. Ég fæ sem sagt ekki að klára blokk B-5 sem er orðin mér nokkuð kær enda hef ég lagt öll rör í hana. Ég er pínu svekktur, það hefði verið ánægulegt að fá að klára hana, enda ekki nema rúmur mánuður eftir af henni. Reyndar hafði ég hugsað mér að flytja verkfærin mín síðasta föstudag en þá neitaði Volvóinn að hjálpa mér, fór ekki að mala fyrir en ég hafði skipt út háspennukefli og kveikjuheila. En ástæðan fyrir að ég fæ ekki að klára blokk B-5 er að mér varð það á að sína framfarir og frumkvæði, það eitt og sér hefði verið í lagi en svo komst vinnuveitandi minn að því að ég væri farinn að tala norsku og þar með var ég gerður að BAS (byggansvarlig) á öðru verki sem fyrirtækið er með. Reyndar er þetta nokkuð sem ég kæri mig ekki um, líkar ekki að vera gerður ábyrgur fyrir hlutum sem ég hef ekki réttindi til, ég vil bara fá að skrúfa í friði.
17. maí er á næsta leiti og núna sér maður af og til skólalúðrasveitir ganga um bæinn og æfa sig, mis tærir tónarnir frá þeim eftir veturinn. En það verður eflaust gaman að fara í bæinn á laugardaginn og fylgjast með skrúðgöngunum, vonum bara að veðurguðirnir verði í góðu skapi.

Kv. Olgeir

Hvítasunnudagur

2008-05-12T00:09:00.005+02:00

Í dag fórum við í bíltúr á fastlandið og fannst okkur votta fyrir vori hér og þar. Við fundum meira að segja malarveg í vestfirskum gæðum með tilheyrandi drulluhvörfum og hvað eina. Við tókum nú ekki margar myndir en þessar tvær fá að fylgja með.

Þegar við komum svo aftur undir kvöld heim til Tromsö þá var samt greinilegt að vetur konungur er ekki tilbúinn til að yfirgefa okkur!

Kveðja,
Ragga og Olli

2008-05-08T16:56:00.003+02:00

Ekki er seinna vænna en að skipta út vísdómsorðum mánaðarins og varð að þessu sinni fyrir valinu nokkuð skemmtileg hringhenda. En eins og alþjóð veit þá var ekkert kveðskapur undir hringhendu í augum Bjarts í Sumarhúsum. Ég verð nú að segja að mér féll heldur betur við norsku útgáfuna af honum, en sá hét Ísak og var hann ekki nærri jafn geðveikur og Bjartur okkar.

Ef einhver veit hver höfundurinn að vísunni er, þá má hinn sami gjarnan láta vita.

Kveðja,
Ragga

Jájá

2008-05-05T22:00:00.002+02:00

Vorið kom með hvelli í síðustu viku, sól og um 15°C hiti alla daga, en nú hefur kólnað ögn og skúrir inn á milli. En snjórinn er á hraðri niður leið, sennilega bara 75% hvítt núna og útlitið gott.
Um síðustu helgi, sem var í lengri kanntinum sinntum við hefðbundnum vorverkum, það er ég gerði allt þetta skemmtilega en Ragga las undir próf. Eða Ragga taldi allvegana allt sem ég gerði frekar skemmtilegt, enda er flest skemmtilegara en að lesa fyrir próf í góðu vorveðri.
Volvóinn fékk vor meðhöndlun 1. maí, sumardekk og gott lag af bóni. Nú er hann glansandi rauður og fínn. Reyndar er skalli eigandans álíka rauður núna vegna sólbruna við vor meðferðina.

Læt þetta nægja í bili.
Kv. Olgeir

Hitamet

2008-04-30T17:19:00.002+02:00

Mörg hitamet voru slegin í dag í norður Noregi í dag, hæst mældist 19,8° C þannig að tuttugu gráðu markið var ekki slegið. Hér í Tromsö fór hitinn í 17° C. Vorið langþráða er því sennilega komið. Reyndar er töluverður snjór ennþá en hver segir að snjór geti ekki verið sumarlegur.

Kv. Olgeir og Ragga

Vor ???

2008-04-28T22:31:00.002+02:00

Ég hugsa að vorið sé komið núna, búið að vera gott veður í þrjá daga. Snjórinn bráðnar hratt, trén að bruma, máfarnir að æra allt og alla og ég komst á hjóli í vinnuna í morgun.

Kv. Olgeir

1m

2008-04-21T21:32:00.002+02:00

Mæld snjódýpt á Tromsö fór yfir 1m í morgun og spáð er éljagangi út vikuna. Hugsanlega rigning á laugardaginn, en það gengur örugglega ekki eftir. Eðli spálíkanna er að hækka hitastigið í lokinn hef ég heyrt frá fróðu fólki. Hvar endar þetta eignlega.
Ef þið sjáið vorið þarna suður á Íslandi þá meigið þið reka á eftir því hingað.
Kv. Olgeir

Eldur í kolanámu á Svalbarða

2008-04-17T18:26:00.002+02:00

Ég sá í fréttunum að það kom upp eldur í kolanámunni í Barentburg á Svalbarða í morgun. 29 manns björguðust út enn þriggja er saknað. Það er skammt stórra högga á milli hjá blessuðum Rússunum á Svalbarða. Ég rakst á þessa upptalningu á námuslysum á Svalbarða og læt hana fylgja hér. Ég hef reyndar grun um að það vanti öll slys sem gerðust fyrir 1948, þau eru örugglega nokkur.
Fakta om gruveulykker på Svalbard
* 3. juli 2005: En 34 år gammel mann fra Troms omkom av oksygenmangel i Svea Nord.
* 22. januar 2003: En 34 år gammel mann døde etter en gruveulykke i Svea Nord. En steinblokk falt i gruva og traff mannen.
* 4. juli 2000: En mann i slutten av 40-årene omkom i en gruveulykke i Svea Vest da gruvegangen raste sammen over ham.
* 18. september 1997: 23 russiske og ukrainske gruvearbeidere omkom i en eksplosjon i en gruve i Barentsburg. Dette er den alvorligste gruveulykken noen gang på norsk jord.
* Fra 1990 til 1997 omkom til sammen ti mennesker i enkeltulykker i russiske gruver i Barentsburg og Pyramiden.
* I 1991 og 1995 var det enkeltulykker i norske gruver. En person omkom i hver av ulykkene.
* I 1989 omkom fem personer i en kraftig eksplosjon i en russisk gruve i Barentsburg.
* De største ulykkene i norske gruver har skjedd i Ny Ålesund:
* I 1948 omkom 15 mann i en eksplosjonsulykke.
* 7. januar 1952 omkom 15 mann i to forskjellige gruveulykker
* 19. mars 1953 mistet 19 mann livet i en eksplosjonsulykke.
* 5. november 1962 skjedde den såkalte Kings Bay-ulykken. I alt 21 menneskeliv gikk tapt i en eksplosjon da gass ble antent. Kings Bay førte til regjeringskrise og statsminister Einar Gerhardsens avgang. Gruvedriften i Ny Ålesund ble aldri gjenopptatt. (©NTB)

Annars er lítið að frétta héðan. Í morgunn þurfti ég að skafa um 30cm snjó af bílnum. Þessi ofankoma bættist við 75cm sem fyrir voru hér í bænum. Ég hélt að það væri að koma vor, búinn að gera reiðhjólið klárt og sjá útsprunginn fífil.

Það var örlítill hálka í morgun. Ég kom að venju í vinnuna á Volvónumm og lagði í einkastæðið mitt sem er í töluverðri brekku. Drep á, set í handbremmsu, gír og snara mér út úr bílnum og skelli hurðinni. Við hurðarskellinn leggur Vollinn af stað afturábak og stoppar ekki fyrr en hann er þeversum á götunni. Mér brá ögn enn fann mér svo láréttara stæði. Svona getur hálkan verið hér.

Kveðja Olgeir

Komin heim aftur

2008-04-14T21:43:00.002+02:00

Þá er ég komin heim aftur úr túrnum til Lofoten. Þetta var ágætistúr og við gerðum helling af alls konar talningum og tilraunum. Ég setti inn myndir fyir þá sem hafa áhuga á því.

Annars allt tíðindalaust. Það snjóar og bráðnar á víxl og alltaf bætast fleiri fuglar í hópinn sem bendir til að vorið gæti komið á endanum.

kv
Ragga

Ýmislegt

2008-04-06T17:53:00.004+02:00

Lítið verður bloggað næstu vikuna þar sem tölvan skreppur á sjóinn, í fylgd Röggu að sjálfsögðu. Ég er að spá í að draga hjólið mitt upp úr geymslunni í vikunni og gera það klárt. Vona svo að veðurguðirnir bænheyri mig og komi með vorið.

Í gær hnýtti ég ögn í atvinnubílstjóra og mótmæli þeirra. Það eru viss atriði sem ég er sammála þeim með eins og kröfur um aðstöðu við vegina og afhverju ekki eru ökuritar í strætisvögnum, póst og sorpbílum. En það að reyna að fá undanþágu frá hvíldartíma og fá leyfi til að vinna lengri dag er eingönu til þess fallið að skerða kjör þeirra. Það virðist vera algengt að fólk líti svo á að mikil vinna sé það sama og góð laun. Góð laun eru laun sem þú aflar á eðlilegum vinnudegi og lifir af. Svo lengi sem fólkið í landinu gerir bara kröfur um að fá að vinna nógu mikið til að lifa af hækka launin seint og atvinnurekendur ganga á lagið. Í það minnst þeir atvinnurekendur sem ekki átta sig á því að framleiðni starfskrafts minnkar töluvert ef vinnudagur er lengri en 8 tímar. Mér fannst einn punktur ansi góður sem kom frá talsmanni bílstjóra, en það var að alþingismenn meiga setja lög þrátt fyrir endalausar vökur og fundarhöld.

Olían er vissulega dýr á Íslandi en hún er reyndar dýr allstaðar í heiminum í dag og kannski ekki við Íslenska ríkið að sakast þar. Ég borga í það minnsta töluvert meira fyrir líterinn hér í Noregi eða sirka 194 ikr. og launin eru nú bara svipuð og á Íslandi. Og ekki er það að sjá á norska vegakerfinu að bensínskattinum sé dælt í það.
En ég er sammála honum Sævari félaga mínum um að efnahagsmálum á Íslandi þurfi að mótmæla. Ef mótmæli atvinnubílstjóra geta hvatt aðra hópa til að láta heyra í sér þá er það ágætt.

En í lokin er kannski rétt að taka fram, svona til að tryggja fjörugar umræður, að það þarf nú ekkert endilega að byggja álver og virkjanir til að bæta efnahaginn, allavegana ekki strax.

Læt þetta nægja þessa vikuna.
Kv. Olgeir

Atvinnubílstjórar, lítil samúð frá mér

2008-04-04T21:08:00.004+02:00

Ég hélt í einfeldni minni að atvinnubílstjórar væru að reyna að fá meiri hvíldartíma og betri vinnuskilyrði.
Þessir bílstjórar virðast ekki stíga í vitið. Ætli þeir óski næst eftir lóðum undir moldarkofa og útkamra.
Við skulum vona að þeir drepi engann nema sjálfan sig, sofandi undir stýri.
Það er ekki að ástæðulausu að lög um hvíldartíma eru eins og þau eru.

Kveðja
Olgeir

ilæmfA

2008-04-04T18:09:00.002+02:00

Síðustu daga hafa ansi margir átt afmæli í kringum okkur Röggu. Mamma átti afmæli 2. apríl, ég og amma hennar Röggu í gær og svo töluvert af öðru frændfólki. Til hamingju öll.
Svo á hann Haukur félagi minn afmæli í dag. Til hamingju Haukur. Ég heyrði útundan mér að hann hafi viljað fá hund í afmælisgjöf (að sjálfsögðu ólarlausan og óskráðan). Einnig frétti ég af honum þar sem hann var að skoða torfærumótorhjól (óskráð og með landakorti af Reykjanesskaga, auðvitað). Já, örðruvísi mér áður brá ;)

Kv. Olgeir

Apríl

2008-04-01T23:04:00.003+02:00

Þar sem nýr mánuður er genginn í garð þá er við hæfi að skipta út vísdómsorðum mánaðarans.

Hvað er annars í gangi.. af hverju líður tíminn svona hratt?? Oooog það snjóar og snjóar og snjóar..

Þyrluslys á Svalbarða

2008-03-30T23:45:00.003+02:00

Rússnesk þyrla fórst á þyrluvellinum í Barentsburg á Svalbarða í dag. Níu voru um borð í henni, þrír dóu.
Ég man eftir þessari þyrlu á ferðinni á Svalbarða.
Þetta er sorglegt áfall fyrir Rússana á Svalbarða, enda hafa flugslys á Svalbarða tekið alltof mörg mannslíf frá þeim.
Hér er krækja á fréttina.

Kv. Olgeir

Svik og prettir

2008-03-30T16:22:00.002+02:00

Í morgun vaknaði ég sæll og glaður, hæfilega snemma miðað við sunnudagsmorgun, eða klukkan 10:00. Fór á fætur, helti upp á kaffi, las ögn og kveikti svo á tölvunni. Þá sá ég að eitthvað var skrýtið, það var nánast komið hádegi. Það rann upp fyrir mér að helvítin höfðu breytt klukkunni í nótt og nú er kominn sumartími. Mér er búið að líða í dag eins og ég hafi verið svikinn, dagurinn skyndilega styttur en þetta jafnast víst út í haust. Reyndar finnst mér þessi tímabreyting hálf asnaleg, sérstaklega hér á norðurslóðum þar sem er dimmt hálft árið og bjart hinn heilminginn. Mér heyrist á sumum Norðmönnum að þetta pirri þá ögn þrátt fyrir að vera í menningunni, óþarfa hringl.

Annars er lítið að frétta. Það hefur snjóað síðustu daga en nú er hitinn að stíga og á jafnvel að rigna næstu daga. Ég vona að það gangi eftir og snjórinn fari að minnka því mig er farið að langa að komast í hjólatúr.

Fleira var það ekki.
Kv. Olgeir

2008-03-26T12:28:00.002+01:00

Ég small úr kjálkalið í gær.. hvað er málið með það O.o Ég panikaði ekki og smellti mér með sveiflu aftur í lið eins og ég hafi aldrei gert annað.

Annars er allt bara með kyrrum kjörum. Það snjóaði allan gærdaginn þannig að við erum aðeins fjær vorinu ef eitthvað er.

Kveðja,
Ragga

Páskar

2008-03-24T19:13:00.002+01:00

Jæja, nú eru þessir páskarnir nánast liðnir. Þetta voru fínustu páskar, fallegt veður og mikil rólegheit. Bærinn var nánast tómur yfir hátíðarnar og allt lokað, á mörgum stöðum var einnig lokað miðvikudaginn fyrir páska og lang flest lokað á laugardaginn. Þetta gerði allt mjög rólegt og þar að auki voru flestir bæjarbúar í ferðalögum. Ég held verslunartími á Íslandi sé orðin alltof langur. Vissulega er þæginlegt að geta farið út í búð alltaf allt árið, en það er líka allt í lagi gera þær kröfur til fólks að það geti birgt sig upp til tveggja daga. Það kemur svo skemmtileg ró yfir allt þegar allt er lokað.

Núna þarf maður að mæta aftur í vinnuna á morgun. Aldrei þessu vant hef ég enga löngun til að fara í vinnuna. Gegnum árin hefur mér fundist ágætt að mæta eftir frí, þó það hafi ekki verið annað en tilhlökkun til mötuneytis OR. Maður getur þó huggað sig við það að núna er tíminn sumar meginn við páska.

Kveðja
Olgeir

Að flauta fyrir horn

2008-03-21T23:38:00.002+01:00

Volvoinn er svo stoltur þegar hann fær að beygja til vinstri að hann flautar. Hann tók upp á þessu í fyrradag. Það verður að játast að þetta getur verið pínulítið bagalegt á stundum en venst eins og allt annað.

Kv. Olgeir

Myndir og mont

2008-03-21T11:50:00.003+01:00

Það ótrúlega hefur gerst.. við settum inn myndir!

...

Um daginn sendi ég veggspjald á ASLO ráðstefnu sem haldin var á Florida nú í byrjun mars. Á þessari ráðstefnu, sem fjallar um allt sem viðkemur hafinu, voru um 4000 ráðstefnugestir og hefur hún aldrei verið fjölmennari. Þetta er svo sem ekki í frásögur færandi nema ég fékk verðlaun fyrir þetta ágæta veggspjald, eða sem sagt "Outstanding student award". Við vorum alls 20 sem fengu þessi verðlaun af 360 mögulegum kandídötum. Gaman að því.

Kveðja,
Ragga

Smur

2008-03-16T22:00:00.002+01:00

Ég lét smyrja Vollann í vikunni sem leið. Það er svo sem ekki frásögufærandi nema að því leiti að þetta er í fyrsta skipti á æfi minni sem ég kaupi út vinnu við olíuskipti. Hingað til hef ég alltaf gert þetta sjálfur. Ég hef alltaf vitað að ég græddi töluvert á því að gera þetta sjálfur en nú sé ég að ég hef stórgrætt á því. Miðað við verðið sem ég borgaði og lauslega verðkönnun í uppáhalds varahlutaverslun minni, Bilthema, sé ég að ég hefði geta keypt: olíu, síu, tjakk, búkka og regngalla, til að skríða undir bílinn í slabbinu, fyrir innan við heilminginn af verðinu. Já og maður hefði svo sem alveg látið sig hafa það að skríða undir Vollann í nýja regngallanum fyrir afganginn, mun betri laun en í daglega amstrinu í það minnsta.

Hér eru farin að sjást vormerki. Maður er aðeins farinn að heyra í máfunum við sjóinn og reiðhjól eru að byrja að riðja skíðunum úr sportbúðunum. Veðrið í síðustu viku gaf smá von um vor, með sól og smá hita. Nú er hinsvegar komin snjókoma aftur og allt að færast í sama horf eftir þíðuna.

Læt þetta nægja í bili
Kv. Olgeir

Finlandia

2008-03-04T20:50:00.002+01:00

Á laugardaginn fórum við í smá bíltúr. Upphaflega ætluðum við bara að keyra í Nordkjosbotnen sem er lítlill bær í um 50km fjarlægð. Þegar þangað var komið vorum við og Vollinn í svo góðu stuði að við ákváðum að bæta 100km við og keyra til Finnlands. Til að koma sér austur til Finnlands keyrir maður upp Skibotndalen sem er ansi fallegur og er maður kominn í 545m.y.s. er maður kemur að landamærum Finnlands. Skibotndalen er frekar merkilegur því þar lá mikilvæg flutningsleið til Rússlands í fyrrastríði. Reyndar var þar mikið eldri verslunarleið frá ströndinni og inn í landið, alveg niður til finnska bæjarins Tornio sem er við Eystrasaltsbotn. Það verður spennandi að keyra þarna í sumar og fara þá heldur lengra inn í Finnland og yfir til Svíþjóðar, svona svo að Volvoinn geti vitjað átthaganna.

Og ögn af Finnum. Það eru ansi margir Finnar að vinna í blokkinni góðu. Dálítið skondið hvað þeir eru viljugri að spjalla þegar þeir fatta að ég er ekki Norðmaður og þá skipta þeir úr ensku yfir í skandinavísku.

Pólski píparinn sem á að vera að vinna með mér hallaði sér of harkalega að flöskunni og fótbrotnaði á fimmtudaginn var. Ég er búinn að heyra ansi margar sögur af því hvað kom fyrir, allt frá leggbroti og mánaðar fjarveru niður í tábrot og viku fjarveru. Einnig er ég búinn að heyra þrjár útgáfur af því hvað kom fyrir. Fótbolti var fyrsta skýringinn, önnur var sparkaði í vegg á fylliríi og sú þriðja, var að ganga niður tröppur. Veit ekki hvort að þetta tengist því eitthvað en ég eyddi eftirmiðdeginum í að skrúfa niður gifsklæðningu úr loftinu á bílageymslunni, þar virðast rörin hafa verið lögð með hugarorkunni einnisaman. Í kvöld fékk ég svo þýskan pípara í lið með mér og í fyrramálið á ég að fá einn sænskann.

Læt þetta nægja í bili.
Kveðja Olgeir

Möljeaften

2008-02-28T21:59:00.003+01:00

Í kvöld var mér boðið á möljeaften, ásamt tveimur úr vinnunni, hjá Brödrene Dahl sem er lagnaefnissala hér í Tromsö og reyndar Noregi öllum. En möljeaften er kvöld þar sem er borðaður soðinn þorskur, hrogn, lifur, gellur og kinnar. Þetta fer venjulega fram í janúar til mars og virðist vera einhverskonar hefð (það er að borða fiskinn, ekki að hittast í pípulagnabúð). Þetta var mjög fínn matur og ágætt að spjalla við sölumennina um rör enda erum við ágætlega stórir kúnnar.

Og meira vinnutengt. Í dag var fundur og farið yfir verkin og komandi verk. Meðal annars eru ágætar líkur á að þeir fá verk í Svea á Svalbarða í haust. Ég fékk nú bara vatn í munninn við tilhugsunina um að komast kannski aftur til Svea, í besta mötuneyti heims miðað við hnattstöðu (hef að vísu ekki prófað að borða á suðurskautinu, geri það við tækifæri). Þetta verk felst í því að byggja við hitakerfi fyrir námurnar, hitari upp á 1600kw og vifta sem blæs 7000m3/klst (eða var það ekki á klst) inn í námugöngin.
Ég veit nú ekkert hvort ég verð sendur en ég hefði ekkert á móti því. Ágætt að komast aðeins aftur í kolapeningana og upplifa Svalbarða um haust.

Hér er búið að vera í fréttum mál sem mér finnst athyglivert. Tveir menn hafa dáið af því að drekka rauðspritt sem inniheldur 80% ethanól. Það hefur verið mikið talað um þetta eitraða rauðspritt sem verslunin Bilthema selur og öll sala á því stöðvuð. Fréttamenn eru stöðugt að tala um hvernig standi á því að eitrað rauðspritt hafi komist í verslanir og varað við að drekka rauðspritt frá Bilthema. En þeir hafa ekki minnst einu orði á að það sé kannski óeðlilegt að drekka það. Ætli öll sala á smurolíu verði bönnuð ef ég drekk einn líter og lognast út af ?
Furðulegir þessir Norðmenn, humm Ákavíti eða rauðspritt, tek rauðsprittið í kvöld.

Síðasta sunnudag fórum við í smá bíltúr yfir á fastalandið, það er keyrðum yfir brúna og beygðum til vinstri. Nú vitum við að við getum keyrt í 45km áður en sá vegur endar. Þetta var falleg leið, smá þorp og sveitabæir sem meiga muna fífil sinn fegri. Það flottasta var að við sáum Haförn sitja upp í tré. Hann var reyndar akkurat við blindbeygju á veginum þannig að erfitt var að stoppa og taka mynd en Ragga náði þó að smella einni og svo sáum við hann fljúga, flott sýn það.

Nú er sumarskipulagið óðum að taka á sig mynd og mömmur okkar og pabbar búin að bóka gistingu í herbergi 108 í júlí. Það verður gaman. Núna verðum við að skipuleggja túra um nágrennið og fara í könnunarleiðangra.

Það er bókaútsala í Noregi þessa vikuna, það endaði náttúrlega með ósköpum eins og vennjulega þegar við komumst í bókabúðir. Það fer að verða dálítið mál að flytja heim (hafið samt engar áhyggjur, það er mun léttara að flytja bækurnar sem eru hér til Íslands heldur en öfugt, við komum aftur)

Læt þetta nægja í bili.
Kveðja Olgeir

Fyrir volvó aðdáendur

2008-02-21T20:05:00.001+01:00

Þetta er bara dúllulegt :)

KRAZ

2008-02-19T21:07:00.002+01:00

Ef einhver hefur áhuga á Rússneskum (Sovéskum) trukkum þá er hér fín krækja á auglýsingar mynd um KRAZ trukka, sennilega mynd frá um 1980 eða rétt þar eftir. http://www.youtube.com/watch?v=KF_AeYIwnf8&feature=related
Annars sýnist mér Rússland vera málið ef maður vill fá að jeppast út í óspilltri náttúrinni, allavegana hægt að finna ansi mikið af drullumalls myndum þaðan á netinu.

Armar óheiðarlegra íslenskra fyrirtækja geta verið langir. Um daginn var ég að spjalla við finnskan smið sem er að vinna í blokkinni góðu. Hann hafði verið að vinna á Íslandi árið 2002 sem smiður. Hann vann hjá litlu fyrirtæki og var að byggja hús í Grafarholtinu og víðar. Allt í góðu með það hann fékk sitt kaup og launaseðla og fór ánægður til Finnlands. Núna í janúar fékk hann svo bréf frá skattinum í Reykjavík og rukkun upp á 4000 evrur sem var nánast meira en hann þénaði þennan tíma sem hann var á Íslandi. Þá kemur það í ljós að fyrirtækið sem hann vann fyrir hafði ekki borgað staðgreiðsluna, sem það dró af honum, til skattsins. Þar að auki fór svo fyritækið á hausinn rétt eftir að hann fór frá landinu. Núna 6 árum síðar fær hann svo rukkun fyrir skattinum með vöxtum og öllu tilheyrandi. Hann átti sem betur fer ennþá launaseðlana og sendi afrit af þeim til Íslands og núna vonar hann að þetta reddist.
Ég hélt nú að það ætti ekki að sækja svona til launþegans heldur fyrirtækisins eða forsvarsmanns þrotabúsins.
Ef einhver veit eitthvað um svona mál væri fínt að fá komment.

Við fórum á þorrablót Íslendingafélagsins á laugardaginn var. Það var ansi fínt og fínn þorramatur. Það hafði gengið ágætlega að fá matinn sendan til Tromsö og kannski sakaði ekki að Íslendingur vinnur í böggladeild póstsins hér. Við skemmtum okkur vel og fórum með þeim síðustu. Ég að vísu áttaði mig á því þegar ég kom heim að ég hafði drukkið í það minnsta fimm kaffibolla með pönnukökunum sem voru eftir matinn (var á bíl) og sofnaði því ekki fyrr en undir morgun.

Læt þetta nægja í bili.

Kveðja Olgeir

Skammdegisóyndi

2008-02-15T13:00:00.002+01:00

Vegna fjölda áskorana (eða þúst.. ein frá Hauki) þá kemur hér ofurlítið blogg með helstu fréttum.

Það snjóar og snjóar. Myrkrið hopar og ég sá sólina um daginn. Ég sé hana nú ekki á hverjum degi enda er það nú bara lúxus. Við gerðum tilraun til að rífa okkur upp úr skammdegisþunglyndinu síðasta föstudag og fórum í heljarinnar partý með varðeldi og öllu tilheyrandi. Þar hittum við marga Svalbarða og voru endurfundirnir mjög skemmtilegir. Hausverkurinn daginn eftir var ekki eins skemmtilegur og held ég hreinlega að ég hafi ekki upplifað annað eins síðan 17. maí síðastliðinn.

Í gær fór ég að horfa á smá rokk og ról, en Animal Alpha var með tónleika á Driv. Driv er stúdentabar/samkomuhús bæjarins. Tónleikarnir voru mjög hressilegir og ekki skemmdi fyrir að bjórinn er á stúdentaprís.

Á morgun er svo þorrablót Hrafnaflóka sem er Íslendigafélagið í Tromsö. Við mætum að sjálfsögðu galvösk á það enda má ekki vanmeta áhrif alkóhóls á meint skammdegisóyndi. Við erum því vel marineruð hérna á hjara veraldar, skál fyrir því.

Kveðja,
Ragga

Snjór

2008-01-30T22:24:00.000+01:00

Ekki mikið að frétta héðan annað en að Olli fór í atvinnuviðtal hjá Vann og avløp í dag. Alls voru 11 sem sóttu um og þar af 4 boðaðir í viðtal þannig að það er bara jákvætt. Það kemur svo í ljós eftir 2-3 vikur hver hreppir stöðuna.

Það er kominn töluvert mikill snjór núna og eru Tromsø-ingar allir með skóflur og sköfur á lofti og moka nótt sem nýtan dag. Það á jafnt við um börn og fullorðna, en þegar ég labbaði framhjá leikskólanum hérna í götunni í morgun voru litlu guttarnir að moka með míní útgáfur af skóflum.

Við settum inn nokkrar snjómyndir og er þetta allt á réttri leið hérna þótt ekki séu komnir 5 metrar eins og einhvern veturinn.

Kveðja,
Ragga

ps. ef þið viljið flissa aðeins þá getið þið horft á þetta.

Að byggja, framhald 2.

2008-01-26T20:12:00.000+01:00

Byggingarefnisþjófarnir náðust á föstudaginn. Löggan náði þeim á lagernum sínum út á Kvaleyju og handtók þá. Það þurfti margar ferðir með vörubíl til að flytja þýfið í burtu slíkt var magnið. Þarna var víst flest af því sem hefur verið stolið frá hinum ýmsu byggingarsvæðum í Tromsö síðustu mánuðina.

Ég setti inn örfáar myndir núna áðan, meðal annars nokkrar úr göngutúr í dag.

Kveðja
Olgeir

Bíódísel

2008-01-24T21:47:00.000+01:00

Biodiesel, hafa ekki margir heyrt um það. Meðal annars er hægt að nota gamla steikingarfeiti og fleira í framleiðsluna að ég held. Ég er nú ekkert voða mikið inn í þessu né gefið mér tíma til að lesa mér til um þetta. En í fréttunum í dag heyrði ég svolítið merkilegt. Til framleiðslu biodiesel er meðal annars notað mais og soyabaunir. Maisinn er ræktaður í Ameríku og aukin eftirspurn vegna biodiesel framleiðslu hefur hækkað á honum verðið. Þar af leiðandi hefur verið farið að flytja inn meira af soya til Ameríku og þar með aukið eftirspurn eftir soyabaunum auk þess sem þær eru líka notaðar til biodiesel framleiðslu. Eitt af ræktunarlöndum soyabauna er Brasilía. Þessi aukna eftirspurn hefur leitt til þess að bændur hafa rutt meir af regnskógum til að anna eftir spurn. Mér skildist á fréttinni að það væri mun meiri ,,útlosun" eða meira af gróðurhúsalofttegundum sem yrðu eftir við skógareyðinguna heldur en fengist með hreinni útblæstri frá biodiesel. Sem sagt hlutfallið verður óhagstæðara, gróðurhúsalofttegundunum í vil. Þetta hafði ég ekki hugsað út í og fannst merkilegt.

p.s. þið kannski kommentið ef þið vitið eitthvað um málið.

Að byggja, framhald

2008-01-23T21:11:00.000+01:00

Þetta hefur víst verið óskhyggja hjá mér er ég hélt að þjófnaðurinn af vinnusvæðinu okkar hætti. Í nótt var brotist inn í allar geymslurnar á blokk B-4 og 12 íbúðir. Geymslunum höfðu allir verktakar fengið úthlutað til að geta geymt verkfæri og íhluti til byggingarinnar innilæst. Stolið var helling af verkfærum útbúnaði sem átti eftir að setja í íbúðir og svo náttúrulega skemmdar allar geymsluhurðir. Þeir spenntu svo upp hurðir á 12 íbúðum sem voru fullkláraðar og tilbúnar til afhendingar í fyrstu viku febrúar.
Vaktin kom að þjófunum þegar þeir voru búnir að fylla í það minnsta einn sendibíl. Þeir lögðu á flótta með miklum hraði og keyrðu beinustu leið í gegnum 2m háa girðingu, sem er í kringum vinnusvæðið, og sluppu undan. En númerið og góð lýsing náðist af bílnum svo að vonandi nást þeir.
Það er nokkuð ljóst að þjófurinn er ekki að byggja einbýlishús, heldur í það minnsta blokk. Nema náttúrulega að hann eigi byggingavörurverslun við Eystrasaltið.

Kv. Olgeir

Að byggja

2008-01-22T20:58:00.000+01:00

Það er einhver að byggja hér í Tromsö. Einhver sem tímir ekki að kaupa það sem til þarf. Sá hinn sami á sennilega sendibíl. Undanfarnar vikur hefur talsverðu verið stolið frá okkur í vinnunni. Nokkrum hitakútum, töluvert af rörum, sturtuklefum, ískápum, eldhúsinnrétingum og baðinnréttingum. En þeir byrjuðu samt á því að stela svolitlu af verkfærum, sem er eðlilegt í ljósi þess að þeir þurftu að skrúfa niður baðinnréttinguna. Þetta fer nú vonandi að lagast því að núna er allt orðið þræl girt og vaktað jafnt að nóttu sem degi.

Kveðja
Olgeir

Naglaskíði

2008-01-20T20:03:00.000+01:00

Við skruppum í kaupfélagið á laugardaginn og keyptum okkur gönguskíði. Við fórum svo hér á gönguskíðabrautina í bakagarðinum í gær. Það gekk nú ekkert voðalega vel. Að vísu gekk heldur betur hjá mér enda er ég margfalt reyndari skíðamaður en Ragga. Ég hef nefnilega farið fjórum sinnum á skíði á æfinni en Ragga bara einu sinni. Við ætlum að fara aftur í kvöld, seint í kvöld, og prófa og vona að það gangi betur en í gær. Ætli það sé hægt að fá nelgd skíði, þessi eru alltof sleip.

Annars hefur helgin aðallega farið í 1000 púslu púsluspil sem slæddist hér inn á heimilið.

Kveðja
Olgeir

Skrifstofa og tiff

2008-01-17T22:34:00.000+01:00

Loksins fékk ég úthlutað skrifstofuplássi og var það mjög kærkomið. Þetta er ágætlega stór skrifstofa með plássi fyrir 5 nema en það sem af er hef ég verið ein um herlegheitin. Þessar tvær fyrstu vikur eftir jólafrí hafa að mestu farið í alls konar umsýslu, pantanir, viðtöl og óþolandi ákvarðanatökur. Af hverju þarf allt að vera svona ótrúlega flókið og langdregið.. Ég get til dæmis engan vegin ákveðið hvort ég eigi að fara á þessa ráðstefnu á Florida í mars. Ég var eiginlega alveg búin að ákveða að fara (en samt ekki búin að kaupa flug og hótel sem betur fer) þegar það kom svo í ljós að einn kúrsinn sem ég þarf að taka verður kenndur á sama tíma og ráðstefnan er. Hann átti að vera í febrúar en eitthvað hafa þeir breytt þessu. Bölvað vesen! Svona virðist ekkert passa saman þessa dagana.

Þessa vikuna er kvikmyndahátíð í gangi hérna í Tromsö eða Tromsö international film festival eins og hún er kölluð. Þetta er víst nyrsta kvikmyndahátíð í heimi segja gárungarnir. Fyrir algera tilviljun lenti ég á opnunarhátíðinni en þannig var að ég var á leið heim úr skólanum og þar sem ég var að bíða eftir strætó niðri í bæ sé ég hóp af fólki með kyndla og dót. Hún forvitna ég varð að athuga þetta nánar og á aðaltorginu reyndist vera búið að koma fyrir risastórum samatjöldum og einhverjir samar voru að kyrja samasöng í samabúningum. Þeir eru voða skrautlegir í skærum litum svo það fer ekkert á milli mála hverjir eru á ferð. Einnig voru þeir þarna með hreindýr og búið var að búa til risaskjá úr snjó. Á þennan skjá á svo að varpa stuttmyndum og einhverju sniðugu á meðan á hátíðinni stendur.

Annars er svo sem ekki meira fréttnæmt hérna úr norðrinu. Það er smá snjór og hangir í á milli -5 og 0°C þannig að það er svo sem ágætlega vetrarlegt. Við erum enn ekki farin að skoða skíði en það kemur að því. Norsararnir trúa því ekki þegar ég segist aldrei hafa stigið á skíði enda eru þeir skíðaóðir. Reyndar þá datt okkur í hug að það gæti verið sniðugt að eiga svona spark-sleða.

Held það væri tilvalið að fara í skólann á svoleiðis, bæði er hægt að komast yfir á heilmikilli ferð og læsa honum svo við hjólagrindurnar fyrir utan skólann :) Bara snilld.

Góðar stundir,
Ragga

Púlsinn

2008-01-09T17:30:00.000+01:00

Jæja núna er best að fara yfir síðustu vikur.

Viku fyrir jól kom Sunna í heimsókn til okkar. Það gekk ekki þrautalaust hjá henni að komast því að fluginu frá Íslandi til Oslo var frestað um rúman sólarhring vegna veðurs. Þar af leiðandi þurftum við að redda öðru flugi frá Oslo til Tromsö og á endanum komst hún til okkar í rigninguna.

21. desember fórum við svo heim til Íslands í jólafrí. Daginn áður en við fórum heim var mikil frostþoka yfir Oslo þannig að allt flug lá niðri. Við lenntum svo í leifunum af þessum seinkunnum og þurftum að bíða í fjóra tíma hér í Tromsö. Það slapp allt því að fluginu frá Oslo til Íslands var líka seinkað um fjóra tíma og heim komumst við á endanum. Já og okkur finnst leiðinlegt að fljúga, við erum alltaf að sannfærast betur um það.

Jólafríið var fínt og gaman að hitta fólkið sitt aðeins þótt að maður hafi nú ekki náð að kíkja á alla. Við gistum hjá mömmu og pabba upp í Fannafold og reyndum svo að deila okkur á milli eftir bestu getu. Þetta voru eiginlega mjög annasöm jól. Mikið um heimsóknir og matarboð og þvíumlíkt. Ég var búinn að ímynda mér að þetta yrði nú fín afslöppun þar sem maður væri bara á hótel mömmu. En ég held að ég hafi sjaldan verið jafn þreyttur, ég gerði samt ekki neitt að viti að því að mér fannst...og þó það var nú samt hellingur þegar maður hugsar til baka. Við flugum svo heim til Tromsö þriðja janúar á nýju ári. Túrinn heim gekk mjög vel og það var fínt að komast heim og í rútínuna aftur. Nú getur maður bara farið að telja niður í páskafrí, en það eru ekki nema 40 vinnudagar til páska :)

Hér á milli á sennilega að koma gleðilegt ár og takk fyrir það liðna.

Þegar við komum til baka til Tromsö uppgvötvuðum við hvað það er svakalega rólegt hérna, lítil umferð og frekar lítið stress. Enda erum við á landsbyggðinni.

Jólin hér í Tromsö voru víst meira eða minna svört, það er það sem við köllum rauð. Ég heyrði að það hafi aðeins gerst tvisvar áður síðustu 60 ár að það séu svört jól hér, vennjulega er ekki minna en 50cm snjór. En í gær snjóaði loksins ögn, eða svona um 35cm.

Ég fór í bílabúðina Biltema í fyrradag. Þetta er stór varahluta og aukahluta búð hér í Noregi. Ég gaf mér góðan tíma í að skoða verkfæri og varahluti og komst að þeirri niðurstöðu að bílarekstrar og dellu vörur eru töluvert ódýrari hér en á Íslandi. (Tromsö er afskekktari en Ísland að mínum mati). Hér getur maður fengið smurolíu líterinn á 23 nkr. Ég get sko alveg sætt mig við hátt mjólkurverð svo lengi sem ég fæ ódýra smurolíu !

Kveðja
Olgeir

2007-12-27T00:22:00.000+01:00

Gleðileg jól allir nær og fjær :)

Jólafríííííí

2007-12-12T15:04:00.000+01:00

Víííí, ég er komin í jólafrí. Ég kláraði prófin í gær og gengur þau svona lala. Ég held það sé ekki spurning að það sé betra að hafa skrifleg próf, svona munnleg eru bara stressandi.

Fyrsta heimsóknin fer svo alveg að bresta á en Sunna kemur til okkar á föstudaginn. Það verður stuð stuð. Einnig styttist í að við komum heim og það verður voða ljúft líka :)

Kveðja,
Ragga

Tími fyrir blogg

2007-11-26T19:22:00.000+01:00

Nú er sennilega kominn tími til að blogga smávegis.
Það hefur nú frekar lítið gerst hjá okkur upp á síðkastið, annað en hið daglega amstur. En ég verð nú ekki í vandræðum með að finna eitthvað til að fjasa um.

Best að byrja á færðinni og hirðingu gatna. Hér hafa verið umhleypingar síðustu vikur þannig að umhleypingar er ekki sér íslenskt fyrirbrigði. Hér rignir, snjóar, frýs, snjóar, þyðnar, og snjóar nokkrum sinnum á sólarhring. Mestur varð snjórinn á laugardag eða um 40cm. Hér eru göturnar ekki saltaðar. Það er örlítið sandað. Kosturinn við saltleysið er að bílar eins og bíllinn minn eru til ennþá, óryðgaðir. Allt annað eru ókostir. Eftir að hafa keyrt á saltbornum götum Reykjavíkur og keyrt á ósöltuðum götum Tromsö þá er ég barasta orðin ansi hlyntur saltinu. Hér verður svakalega hált og í hverri viku sér maður eða sér í fréttum vörubíla og aðra bíla inn í hinum og þessum húsagörðum í óþökk eigenda þeirra. Hér neyðast strætisvagnar og flestir vörubílar til að keyra á keðjum, sennilega eitthvað í hverri viku. Þetta verður til þess að allar götur eru eins og þvottabretti. Sagt er að saltið eyðileggji malbik, en ég hugsa nú að keðjuaksturinn fari með það mun fyrr, keðjuakstur sem hægt væri að sleppa við með söltun. Já og frostið hefur mest farið í -4°c þannig að söltun hefur verið vel möguleg. Jahá, þetta var semsgt pistill frá pirruðum ökumanni í vesturbænum. Humm, ég man það reyndar núna að ég hef ekkert þurft að nota rúðupiss og bíllinn er tiltölulega hreinn, ókei annar plús fyrir saltleysið.

Í dag sá ég Lödu 1300 í vinnunni. Sennilega einhver af Finnunum á henni. Mjög fallegur og heill bíll. Það yljaði mér aðeins um hjartaræturnar að sjá þessa Lödu. Hún er eins og Ladan sem ég rúntaði hvað mest á á sínum tíma. Var ótrúlega skemmtilegur bíll sem ég á fínar minningar frá, og sennilega félagar mínir líka. Einu sinni fórum við Tóti á henni til Akureyrar um verslunarmannahelgi, sennilega ´95 eða ´96. Við settum persónulegt hraðamet á milli Reykjavíkur og Akureyrar í þessum túr enda aldrei ekið leiðina áður. En hraðinn var fínn, við náðum til Akureyrar á 4 og 1/2 tíma og þetta var áður en Hvalfjarðargöngin komu til sögunar þannig að sennilega hefur meðalhraðinn legið í kringum hundrað. Nokkuð gott fyrir 4 gíra 1300 Lödu Safír. Á leiðinni upp Bólstaðarhlíðarbrekkuna var tekið ágætlega á greyinu. Þegar við vorum nánast komnir upp sáum við fólk út í kannti, þar voru á ferð Sævar, Guðný og sennilega Haukur, líka á leið norður. Við Tóti skildum ekkert í því hvað þau störðu á okkur er við komum upp brekkuna. Við höfðum að sjálfsögðu ekki tíma til að stoppa og tapa þar með dýrmætum tíma. Um kvöldið hittum við þau á Akureyri og fengum lýsingu með þessum orðum ,,við sáum móta fyrir stimplunum í húddinu á Lödunni þegar þið komuð upp brekkuna" Sennilega hefur Ladan verið staðin all vel upp og kannski aðeins verið farin að fljóta á ventlum í restina og því hávaðin vakið eftirtekt þeirra í brekkunni. Þetta var fín helgi.

Já, annars er bara lítið að frétta, töluvert myrkur, og á eftir að aukast. Á miðvikudaginn kemur er enginn sólarupprás hér.

Kveðja Olgeir

Sjónvarpsstjörnur

2007-11-18T20:25:00.000+01:00

Þá erum við Olli orðin fræg í Noregi. Við náðum að komast í 3 sekúndur í þátt um Rauða ísbjörninn á nrk1. Geri aðrir betur :D

Þátturinn fjallar um Kazam sem er Írani og er hann búsettur eða hreinlega fastur á Svalbarða. Hér er hægt að sjá þáttinn. Takið eftir því að klipsan þar sem við komum fyrir er tekin klukkan 12 á miðnætti sirka.

Kveðja,
Ragga og Olli

2007-11-14T00:11:00.000+01:00

Það fer að styttast í fyrstu heimsóknina sem við fáum frá Íslandinu. Sunna ætlar að koma til okkar þann 14. des og þá verður sko bara gert eitthvað skemmtilegt :) Úúú ég get ekki beðið :)

Svo eru jólin alveg að koma, bara 41 dagur þangað til :D Vonandi kemst ég bara lifandi frá prófatörninni fyrst :/

Kveðja,
Ragga

2007-11-03T23:09:00.000+01:00

Í dag eigum við Olli eins árs trúlofunarafmæli :) .. hmm... það þýðir sennilega að giftingarplönin eru komin á fjögurra ára planið í staðin fyrir fimm ára planið.. gaman að því :p

Kannski við hefðum átt að láta verða að því á Svalbarða.. það hefði verið doldið svalt :D Sýslumaðurinn er jú liðlegur á Barðanum.. hver segir að við verðum ekki á ferðinni þar aftur..

kv
Ragga og Olli

Skattmann

2007-10-31T20:18:00.000+01:00

Norska kerfið er kannski ekki sem verst. Í gær frétti ég að fyrir nóvember mánuð borgar maður bara hálfan skatt af laununum sínum. Ekki sem verst það. Og svo skemmtilega ,, vill til" að við þurfum að vinna töluvert mikla yfirvinnu í nóvember. Þetta er víst einskonar jólagjöf frá ríkinu, en Norðmenn segja að þetta sé svo þeir hafi efni á jólagjöfunum.

Ragga er að að fara að halda fyrirlestur á norsku á morgun, smá stress ,, men det går bra"

Í dag er haldið upp á Halloween (eða ,,halló vín" á góðri íslensku) hér í Noregi og því allt morandi í krökkum í allskyns búningum.

Annars er bara allt gott að frétta héðan.

Kveðja Olgeir

Þurr dagur

2007-10-28T18:17:00.000+01:00

Aldrei þessu vant var síðasti föstudagur án rigningar, en þetta er fyrsti þurri dagurinn í langan tíma að því er mér finnst. Það var sól og um 10°c hiti. Í tilefni af þessum einstaka atburði hafði ég upp á bílaþvottaplani hér í Tromsö og skolaði af vollanum. Er heim var komið bónuðum við kaggann og kom þá í ljós þessi fíni blóðrauði litur.

Laugardeginum eyddi ég í vinnu og Ragga í lærdóm þannig að þessi helgi hefur verið frekar viðburðarsnauð eins og reyndar öll síðasta vika. Bara hið almenna brauðstrit.
Reyndar fórum við í pönnukökuveislu á miðvikudagskvöld til hennar Sveu sem er í skólanum með Röggu. Það var ljómandi fínt. Þar hitti ég hann Egil sem var á Svalbarða á sama tíma og við. Hann náði níu rjúpum á einum degi nú um daginn. Hér er rjúpnaveiði tímabilið frá 10. september til 15. mars. Einnig frétti ég hvernig ég á að bera mig að við að fá veiðileyfi hér. Maður verður að kíkja á það.
Reyndar rifjast það upp fyrir mér þegar ég fer að rifja upp þessa viðburðarsnauðu viku að kannski var hún ekki svo fábrotinn. Því að um síðustu helgi keyrðum við svolítið hér um nágrennið. Á laugardeginum keyrði ég til Hansnes sem er bær á Ringvassöya sem er næsta eyja norðan við Kvalöy. Þetta var um 130km skrepp. Eyjarnar eru ýmist tengdar saman á brúm eða göngum. Það er ansi gaman að keyra hérna um strjálbýlið. Mikið af gömlum húsum og síðast en ekki síst mjög mikið af gömlum bílum og vélum sem hafa fengið að vera í friði fyrir hinum alræmdu hreinsunarátökum sem eiga það til tröllríða öllu.
Á sunnudeginu fengum við Ragga okkur svo bíltúr út á Håköy sem er hér á milli Tromsö og Kvalöy. Þar var margt að sjá, hross af ýmsum gerðum með meiru. Fyrir utan Håköy liggur flak af þýska herskipinu Tirpitz sem var sökt 12. nóvember 1944. Hér má lesa meira um Tirpitz.

Síðustu nótt var klukkunni breytt hér í Noregi og núna er kominn vetrartími, þannig að nú munar bara einum tíma á okkur og Íslandi. Þetta er ágætt að ýmsu leyti, maður fær einn tíma í auka svefn í fyrramálið, það er tímann sem maður tapaði í vor. Það er sagt að þetta sé meðal annars gert til að nýta birtu tímann betur. Gott og vel, en mér finnst þetta heldur atvinnurekenda vænt. Þetta verður til þess að maður kemur akkurat í birtingu í vinnuna en fer heim í myrkri. Að vísu kemur þetta ekki að mikilli sök hér fyrir norðan því að innan skamms skellur á ,,mörketid" og þá verður þetta allt sama svartnættið, hehehe.

Nunnur eru hættulegar í myrkri. Á leiðinni sem ég ek til vinnu fer ég framhjá klaustri. Þessi vegur er frekar illa upplýstur. Einn morguninn mætti ég nunnu í vegkantinum í svörtum kufli og með svarta hettu. Ég varð nánast ekki var við hana fyrr en vollinn gaf mér það til kynna með innbyggða árekstrarvarnarbúnaðinum, sem er staðalbúnaður í öllum betri sænskum bílum frá níunda áratugnum. Í tilefni að þessu datt okkur í hug hvort ekki væri markaður fyrir sérstaka endurskinskrossa fyrir nunnur og aðra trúgjarna.

Kveðja Olgeir

Olíuáætlanir Íslendinga..

2007-10-18T22:12:00.000+02:00

Hafi þið heyrt um þetta??

Eru Íslendingar bara að fara að bora á milli Jan Mayen og Íslands á morgun eða hvað?? Magnað, alveg hefur maður misst af þessu :p

Veðrið og spár

2007-10-11T18:20:00.000+02:00

Samkvæmt veðurspánni hér fyrir Tromsö hefur átt að vera rigning síðustu tvo daga. Hvernig sem á því stendur er samt komin um 15cm jafnfallinn snjór, í það minnsta á hæðinni sem við búum.
Einhvernveginn er minning mín um veðurspár heima á Íslandi þannig að þegar því er spáð að hugsanlega gæti sjóað rignir undantekninga laust.
Þetta hefur kannski eitthvað með óskir mínar um veður að gera, kannski eru veðurguðirnir bara að gera at í mér.

Kv. Olgeir

Veturinn genginn í garð

2007-10-09T20:49:00.000+02:00

Þá er fyrsti snjórinn kominn eins og spáin gerði ráð fyrir. Þegar við vöknuðum í morgun þá var þetta útsýnið:
Seinni partinn hafði snjómagnið aðeins minnkað en ekki mikið..kannski aðallega blásið til:

Það verður gaman að sjá hvort þessi fyrsti snjór fari eitthvað eða hvort það bæti bara í. Hann virðist í það minnsta ekkert vera á undanhaldi í augnablikinu þar sem það hefur gengið á með éljagangi í allan dag.

Heppilegt að Ollinn setti vollann á vetradekk í gær.. :p En það verður lítið hjólerí úr þessu :/

Kveðja,
Ragga og Olli

Felt og fasteign á hjólum

2007-10-06T21:55:00.000+02:00

Þá er ég komin heim úr feltinu við Takvatn og Fjellfroskvatn. Það var ágætt alveg og fengum við sæmilegan afla sem bragðaðist mjög vel :)

Við gistum í rannsóknarstöðinni við Takvatn og það var mjög kósí.

Ég kom svo heim í gærdag og var Olli þá við það að fjárfesta í fasteign á hjólum. Gripurinn er nú okkar og getum við farið að þeysa um sveitir Troms héraðs.
Bíllinn er fáránlega vel farinn miðað við aldur (1986 módel) og það er greinilegt að hann hefur verið bónaður undir húddinu reglulega!

Í gærkvöldi fórum við svo á haustfagnað Íslendingafélagsins Hrafnaflóka og var það hin besta skemmtun. Þar fréttum við að veturinn komi sennilega í næstu viku!

Fleiri myndir er hægt að sjá inn á myndasíðunni.

Kveðja,
Ragga og Olli

Þá veit maður það...

2007-10-01T21:57:00.000+02:00

Jahá..

Ragga:

Samkvæmt kaffiprófinu er ég
Espresso!
30 ml af mikið brenndu eðalkaffi.
Hvernig kaffi ert þú eiginlega?

Og Olgeir:

Samkvæmt kaffiprófinu er ég
Bankakaffi!
..sívinsælt og bráðnauðsynlegt.
Hvernig kaffi ert þú eiginlega?

2007-09-28T17:46:00.000+02:00

UNIS árbókin fyrir vorönn 2007 var að koma á netið.. endilega kíkið á það: Vorönn 2007

Á sjó..

2007-09-27T20:45:00.000+02:00

Þá er þessum sjótúr lokið. Við fórum út á mánudagsmorguninn og komum aftur í land á miðvikudagskvöldið, sem sagt hálfgerður örtúr. Ágætis túr samt, eða bara svona eins og sjótúrar eru að jafnaði. Við fengum fínt veður framan af en svo fór að blása um það leyti sem við vorum að snúa heim. Skipið heitir Johan Ruud og er í minni kantinum eða svona rétt minni en Bjarni Sæm. Þessi skip eru nú öll voða svipuð þannig lagað séð og eiginlega áhafnirnar líka hehe. Þetta eru allt sömu týpurnar, kokkarnir eru eins, bátsmennirnir eru eins, hásetarnir eru eins og svo framvegis. Einnig eru brandararnir svipaðir og alltaf eru það kokkarnir sem mest grín er gert að.

Í þessum kúrsi sem fór í þennan túr þá erum við bara 3 nemendur og höfðum við með okkur 3 kennara, heila áhöfn og skip. Ekki slæmt það hehe.

Í næstu viku fer ég svo aftur í annan felt kúrs. Þá verður farið að Takvatni og gist í hyttu þar við. Það verður eflaust gaman og ágætis tilbreyting að fara í ferskvatnsfelt en ekki alltaf þessa endalausu sjótúra.

Skólinn er orðinn geðveikur og það er allt of mikið að gera. Í öllum kúrsum eru verkefni komin á fullt sving og ég veit ekki hvað. Sýnin mín komu líka öll í einu í gær til Tromsö. Einn sýnapakkinn kom flugleiðina frá USA og tveir sýnapakkar komu sjóleiðina frá Svalbarða með Jan Mayen. Ég hef auðvitað engan tíma til að sinna þeim í bili þannig að þau fara bara upp í hillu.

Olli fer í ferð með vinnunni sinni á föstudaginn og verður fram á laugardag. Þeir fara yfir til Sommeröy og svamla þar í heitum potti (sem er kallaður badestamp á norsku hehe) og snæða dýrinds steikur.

Annars bara jám.. bleh.. set kannski inn myndir úr túrnum.

kv
Ragga

2007-09-17T21:06:00.000+02:00

ohh.. *hrollur* ... pestó eða grandiosa.. aldrei aftur! Að minnsta kosti ekki fyrr en í næstu viku :p

Svo lufsuðumst við til að setja inn nokkrar myndir í hið nýfundna myndaalbúm.

Myndalinkurinn fundinn

2007-09-17T14:23:00.000+02:00

Hér með tilkynnist að myndasíðulinkurinn er fundinn. Vegna ábendingar frá glöggum lesanda hófs mikil leit að hinum mæta link. Hann fannst sem betur fer heill á húfi. Ástæða brotthvarfsins er talið vera svokallað "fikt". "Fikt" er stórhættulegt og ber að meðhöndlast sem slíkt, helst með hlífðargleraugum og gúmmíhönskum.

Nefndin

Helgin..

2007-09-10T16:50:00.000+02:00

var bara róleg hjá okkur. Við fórum í grillveisluna hjá NFH og Olli vann bjórkippu þannig að við fórum heim með einum fleiri bjór en við komum með. Á laugardaginn rákumst við svo inn á garðsölu í næstu götu. Þar var rússnesk kona að selja innbúið sitt. Það er skemmst frá að segja að við komum heim með eitt stykki hægindastól:

pullan var reyndar svo ógirnileg að við pökkuðum henni í kassa og settum Rúdolf í staðinn :)

Með í kaupunum fylgdi líka nýr meðleigjandi.. hún Laufey:

Hún prýðir nú stofuna okkar ásamt rússnesku súkkulaði og fyrrum forsetum Sovétríkjanna :p Þá fengum við reyndar í Barentsburg í vor.

Annars þá er það bara daglegt amstur sem á hug okkar allan um þessar mundir.

Ha det bra :D
kv
Ragga

Andlaus

2007-09-06T19:39:00.000+02:00

Heitir það ekki að vera andlaus þegar andi til skrifta kemur ekki yfir mann. Á daginn þegar ég er að leggja mis skemmtileg rör þá er ég yfirleitt búinn að semja þrusu fín og fyndin blogg í huganum. En þegar heim er komið er hausinn galtómur og ég hef ekki nokkra löngun til bloggskrifta.

Annars er allt gott að frétta hér. Gengur allt svona ágætlega. Mikið að gera hjá Röggu í skólanum og hamagangur hjá mér í vinnunni. Samt höfum við nú aðeins getað kannað umhverfið hér í grendinni. Síðasta laugardag fengum við okkur hjólatúr út á Kvalöy í fínu veðri. Þess má geta að þetta var fyrsti regnlausi dagurinn í mjög langan tíma. Kvalöy er falleg og stærri en það að maður nái að skoða hana á hjóli á skömmum tíma. Við þurfum að kíkja á hana betur þegar við verðum orðin bílvædd.
Einnig erum við að uppgvötva verslunarkjarna hér og þar með heldur lægra verði en í smábúðunum hér í grendinni. En það verður að játast að það er helvíti dýrt að borða hérna, töluvert dýrarara en á Íslandi þótt það slái nú ekki Svalbarða við.

Í gærkvöldi fórum við í heimsókn til forsprakka Íslendingafélagsins Hrafnaflóka sem er hér í Tromsö. Það var fínt að geta spjallað aðeins og fræðst um ýmislegt. Ágæt tilbreyting að spjalla á Íslensku, maður er hálf fatlaður í norskunni ennþá, nær ekki öllum bröndurum þó maður skilji nú töluvert. (En það kemur nú ekki að sök því að Norðmenn eru nú ekkert mikið í bröndurunum)

Annað kvöld erum við á leið í grill hjá NFH (Norges fiskeri höyskole, held að það sé skrifað svona). Það verður ábyggilega fínt. Svo verð ég vonandi ekki að vinna á laugardaginn þannig að þá er spurning um að kíkja á Pólarsafnið sem við rákumst á um síðustu helgi. En meira um það síðar.

Kveðja
Olgeir

Rigning

2007-08-26T19:44:00.000+02:00

Það er nokkuð ljóst að enginn verður svikinn af haustrigningunum hérna í Tromö. Það kemur skúr á hverjum degi enda virðist það vera í tísku að ganga í gúmmístígvélum.

Annars gengur allt bara nokkuð vel, Ragga í skólanum og ég að vinna. Ég er að vinna sem pípari í nokkrum blokkum sem er verið að byggja hér á eyjunni. Það er svo sem ágætt en kannski ekki alveg mitt fag. En þar sem það vantar mjög mikið af pípulagningarmönnum er ágætt að leika einn slíkan. Ég á reyndar í smá erfiðleikum við að halda í við samstarfsmenn mína en ástæðan fyrir því er nú sennilega sú að þeir eru búnir að leggja í fimmtíu eins íbúðir síðasta hálfa árið og því nokkuð vanir efninu og handtökunum. En ég ætti nú að ná því að verða nokkuð góður, það er ef ég vinn áfram hjá þeim, því að við eigum eftir að leggja í aðrar sjötíu íbúðir af sömu gerð.

Ég fer á hjóli í vinnuna, ágætu DBS fjallahjóli sem ég keypti um daginn. Það er mjög fínt að hjóla í vinnuna, það tekur um fimmtán mínótur og er nánast bara niður á við eða jafnslétta. En eins og gefur að skilja er heldur erfiðara að hjóla heim, allt á fótinn. Við búum sem sagt á toppnum á Tromseyju. Þannig að sennilega íhugar maður bílakaup þegar líður á veturinn og snjórinn og myrkrið kemur. Það er verst hvað bílar eru hrikalega dýrir hérna. Við hjóluðum einn hring á bílasölu um daginn og það ódýrasta sem við fundum var tuttugu ára gömul Toyota Corolla sem var aðeins keyrð 260.000km á krónur 160.000 íslenskar.....ég hef oft hent betir bílum en þessum heima á íslandi.

Hér á Luleåveiginum gengur allt ágætlega. Við uppgvötvuðum að við höfum bæði geymslu og loftvarnarbyrgi í kjallaranum. Við vorum búin að taka eftir skilti sem á stóð "Tilfluktsrom" og vísaði niður í kjallara. Þar er stór stálhurð á stóru herbergi sem maður getur flúið inn í ef Pútin sendir kjarnorkureður af stað frá Murmansk. Við gúggluðum þessi "Tilfluktsrom" og komumst að því að það eru rými fyrir 2,6 miljónir mann í svona byrgjum í Noregi. Þau voru flest byggð frá stríðslokum og fram til 1990. Ég hef nú grun um að mörg þeirra séu orðin að geymslum núna, það er allavegna raunin hér.

Læt þetta nægja í bili.
Kveðja Olgeir

2007-08-20T23:03:00.000+02:00

Er það ekki bara.. á maður ekki bara að söðla um og verða ljóðskáld :p

You Should Be a Poet

You have a way with words... and a talent for drawing the pure emotions out of experiences.
Your poetry has the potential to make people laugh and cry at the same time. You just need to write it!

What Sort of Artist Should You Be?

Hjólaæði

2007-08-19T22:52:00.000+02:00

Það er mest lítið að frétta frá okkur. Skólinn er byrjaður og námskeiðin um það bil að taka yfir líf mitt. Olli gengur bara vel í vinnunni og allt gott um það að segja.

Við ákváðum að fjárfesta í hjólum og erum búin að vera að prufa þau um helgina. Hérna rétt fyrir aftan húsið sem við búum í eru hjólastígar sem ná yfir eyjuna þvera og endilanga. Þessir sömu stígar breytast reyndar í gönguskíðabrautir þegar fer að snjóa. Þá er spurning hvort maður skiptir yfir og fær sér gönguskíði. Það yrði fróðlegt í meira lagi þar sem ég hef bara einu sinni farið á skíði á ævinni. Ég var 9 ára og það varði í 15 mínútur. Glorious alveg hreint ha..

Kveðja,
Ragga

Tromsö

2007-08-11T21:53:00.001+02:00

Við erum komin aftur til Tromsö eftir afar stutt stopp á Íslandi. Það var samt mjög gott að hitta aðeins fjölskylduna þótt það hafi bara verið nokkrir klukkutímar sem við fengum saman.

Við komum til Tromsö seinni partinn á fimmtudaginn og fórum þá beint á gistiheimilið hans Raymond. Ég sofnaði strax enda höfðum við verið 30 tíma á ferðalagi. Í gær fór ég svo og náði í lyklana að íbúðinni á meðan Olli fór í atvinnuviðtal. Íbúðin er mjög fín með útsýni út á sjó sem og til fjalla. Hún er 35 fermetrar, tveggja herbergja og með húsgögnum. Það eina sem hægt væri að setja út á hana er að í bakgarðinum er RISA stór spennistöð og geðveikrahæli, en það er svo sem bara hressandi.

Olli fær svo að vita á mánudaginn hvort hann fái vinnuna. Fyrirtækið heitir EnergiProsject og sér um leggja allar hugsanlegar lagnir; á íslensku væri sennilega talað um "heildar lausnir" eða eitthvað álíka.

Skólinn hjá mér byrjar svo á mánudaginn en fyrsti tíminn er ekki fyrr en á þriðjudag. Það verður æsispennandi að sjá hvernig það verður að taka kúrsa á norsku svo ekki sé meira sagt.

Kveðja,
Ragga

Boston here we come..

2007-08-05T15:59:00.001+02:00

Þá er þessu bara alveg að ljúka. Hver hefði trúað því hversu hratt tíminn hérna hefur liðið. Ég fékk protocolið til að virka og er það mjög jákvætt en svo verð ég að halda þessu áfram í Tromso og klára vinnsluna á sýnunum þar.

Nú á eftir tökum við rútuna til Boston þar sem við verðum fram á miðvikudag. Það verður ágætt að kúpla sig aðeins út úr vinnugírnum og bara rölta um göturnar og skoða sig um.

Kveðjur,
Ragga

Bílar

2007-08-01T22:23:00.000+02:00

Mig hefur alltaf langað örlítið í eindrifa pallbíl. Þá helst Ford Ranger eða Chevrolet S-10. Þetta er sennilega einfaldasta uppbygging af bíl sem hægt er að fá nú á dögum. Afturdrifs, beinskipt, langstæð vél og einföld innrétting. Svo er svo askoti þæginlegt að hafa svona pall ef maður þarf að grípa með sér hásingu eða gírkassa.
Ég hef alltaf skoðað þessa bíla vel og vandlega þegar þeir hafa komið á sölur á Íslandi en aldrei látið verða af því að kaupa eða prófa. Það er sagt að þeir séu vonlausir í snjó og hálku en það má nú redda slíku, þar að auki alltaf gaman að smá veseni. Þetta eru bílar sem ætti að vera hægt að koma mun lengra en fólksbíl enda töluvert hærri og á sterkari undirvagni. Eyðsla ætti heldur ekki að vera svo mikil þar sem þeir eru eindrifa og frekar vélarlitlir af Ameríkana að vera.

Það er mikið af þessum bílum hér. Virðas vera vinsælir sem bílar hjá ungum strákum. Enda eru þetta í raun bara hálfir bílar og hljóta því að vera á hálfu verði.
Sportbílar eins og Chevrolet Corvetta virðast aftur á móti nær eingöngu vera vinsælir hjá körlum yfir sextugu. Ögn skondið það.

Annars er ekkert að frétta hér. Sennilega förum við til Boston á sunnudaginn og verðum þar í þrjár nætur áður en við förum (heim?) til Noregs.

Kveðja
Olgeir

Tilkynningaskyldan

2007-07-28T22:07:00.000+02:00

Af okkur er allt gott að frétta. Eða í raun ekkert að frétta.
Þetta fer nú óðum að syttast þessi dvöl hér í usa og ekki laust við að maður hlakki til að komast úr hitanum í þæginlega veðrið norðan við heimsskautsbaug.
Ég skellti inn nokkrum myndum frá síðustu dögum. Læt þær sjá um að útskýra hvað við höfum verið að bedrífa fyrir utan daglega amstrið.

Kveðja Olgeir

Fréttir, nei engar fréttir

2007-07-18T19:19:00.000+02:00

Hérna gengur lífið sinn vanagang.

Í dag er mígandi rigning með tilheyrandi þrumum og eldingum. Það er gott. Þrumurnar eru ansi kraftmiklar hér. Meðal annars sló niður eldingu milli skólahúsanna, þar sem Ragga er, í morgun. Það var víst ansi hressilegur hvellur, eða af styrkleikanum ,,ég hélt ég fengi hjartaáfall" að sögn Röggu.
En rigningin er góð og fékk ég mér fínan hjólatúr í henni í morgun enda var regngallinn með í för og rétt að nýta hann.

En best að segja aðeins frá síðustu dögum.

Á föstudagskvöldið fórum við til New London og röltum aðeins um þar. Þar var einhverslags bæjarhátíð með tilheyrandi mannfjölda, sölubásum og leiktækjum. Í raun er ekkert meira að segja um það.

Á laugardeginum fórum við í grillveislu til Lísu. Þetta var í raun afmæli fyrir Röggu. Við mættum um tvö leytið en það virðist vera tíminn sem fólk byrjar á svona veislum. Við grilluðum hamborgara og pulsur, átum osta og drukkum amerískan bjór sem er reyndar óþarflega skyldur vatni á bragðið. Þetta fór fram í garðinum við íbúðina hennar Lísu í úrvals veðri. Eftir grillið röltum við svo öll út í garð sem er hér rétt hjá og fylgdumst með flugeldasýningu. Sýningunni var skotið upp af prömmum á ánni sem er á milli Groton og New London. Þetta var mjög flott sýning og stóð í um hálftíma. Eftir þetta var svo farið til baka í veisluna og afmæliskaka borðuð.
Þetta var orðin frekar langur dagur og við vorum feigin að komast heim í restina.

Á sunnudeginum var Ragga að vinna en ég fékk mér hjólatúr um nágrennið. Meðal annars hjólaði ég meðfram kafbátasmiðjunni sem er hér í bænum. Sú smiðja er enginn smá smíði, ég hugsa að vegalengdin sem ég hjólaði framhjá girðingunni hafi verið um 2km. Ég tók engar myndir af þessu fyrirbæri þar sem girðingin var þétt setin skiltum sem gáfu það til kynna að maður yrði skotinn, hengdur og flengdur ef maður svo mikið sem sýndi sig með myndavél. Einnig hjólaði ég út að kafbátaherstöðinni sem er hér, en hún er svona í stærri kantinum. Þar var lítið að sjá því að allt er að sjálfsögðu innan girðinga.

Og svo líður bara vikan. Ragga í skólanum og ég í hjólatúr. Það er ágætis garður eða friðað svæði svona í hálftíma hjólafjarlægð héðan. Þar er fullt af ágætlega krefjandi, þröngum skógarstígum sem er gaman að hjóla. Ég reyndar fór aðeins yfir þolmörk hjólsins í gær sem endaði með að það slitnaði teinn í afturgjörð, enda voru átökin ágæt. Nú þarf maður að fara aðeins blíðlegar með það til að það endist manni sem farartæki. Já og að maður geti skilað því í nothæfu ástandi.

Ég læt þetta nægja í bili. Ég set inn nokkrar myndir.
Kveðja Olgeir

Afmæli

2007-07-13T21:14:00.000+02:00

Ragga á afmæli í dag :) Til hamingju með það :)

Í kvöld ætlum við á bæjarhátíð í New London.
Annað kvöld verður svo grillveisla hjá Lísu, sem er að hjálpa Röggu í verkefninu. Þetta er svona í og með afmælisveisla Röggu.

Lítið að frétta af mér hinsvegar. Ég uppgvötvaði það í gærkvöldi að ég hjóla sennilega ekki á ríflegum ljóshraða. Sólin hafði náð kálfunum á mér og grillað þá hressilega. Einhverra hluta vegna hafði mér ekki hugkvæmst að bera sólaráburð á kálfana, bar einungis á sköflunga og hné.

Kveðja Olgeir

Daglegt líf í Groton

2007-07-13T00:41:00.000+02:00

Olli setti inn myndir áðan frá hjólatúrnum sem hann fór í dag til Mystic. Það er lítill bær hérna rétt hjá (um 10 km austar) sem hefur það fram yfir Groton að hafa miðbæ. Endilega kíkja á það. Ég þarf svo að taka með mér myndavél á labbann svo ég geti sýnt ykkur hvað ég er að bardúsa á daginn. Það er kannski ekki alveg jafn spennandi og það sem Olli er að gera en nógu spennandi samt..fyrir suma :p

Í gær fórum við í bíó að sjá Harry Potter myndina nýju. Hún var bara ágæt þótt bókin sé auðvitað mikið skemmtilegri. Annars var að smá upplifun að fara í amrískt bíó. Á undan voru auglýsingar eins og gengur og gerist nema hérna voru auglýsingar frá flug- og sjóhernum þar sem hernaður var látinn líta út fyrir að vera ótrúlega ævintýralegur og skemmtilegur. Merkilegt.. sér staklega þar sem við allar opinberar byggingar er flaggað í hálfa stöng heilu vikurnar vegna hermanna sem hafa látist í Írak nýlega.

Svo eru það afmælistilkynningarnar... nóg af þeim þessa dagana.

Í gær (11.) átti Hanna Sigga móðursystir afmæli og í dag (12.) á Elva Pallakona (hvað kallast svona fjölskyldutengsl?) afmæli.

Til hamingju með það :)

Á morgun er svo aðalafmælið þ.e. mitt :D

Kveðja,
Ragga

Við erum góð

2007-07-11T20:24:00.000+02:00

eða í það minnsta finnst skordýrum svæðisins við vera bragðgóð og auðveld bráð. En við höfum gert ráðstafanir og keypt okkur bráðhollt skordýraeitur sem við gluðum yfir okkur kvölds og morgna.

Annars er nú heldur lítið að frétta hér. Ragga er í skólanum og ég fæ mér hjólatúra og les bækur. Mikið einfaldara getur lífið ekki orðið.

Annars er Ameríka ábyggilega ágæt, allavegana hér. Ég gæti í það minnsta alveg sætt mig við eitt af einbýlishúsunum hér, stórar lóðir, mjög stórir bílskúrar og stór bílastæði þar sem ekkert virðist vera athugavert við að eiga svona einsog þrjár kynslóðir af bílum. Þetta eru lang mest einbýlishús hér, ekkert endilega mjög stór hús, en á stórum lóðum. Þetta gerir það að verkum að bærinn flæmist yfir stórt svæði og vegalengdir verða langar. Mér dauðlangar að taka myndir heim að mörgum þessara húsa og af bílunum í stæðunum en ég kann ekki við það, það er ekki gott að segja hvernig fólk tæki því.

Síðasta sunnudag fórum við í göngutúr með vinnufélögum Röggu. Við keyrðum að vatni sem er, að ég held, örlítið hér norðan við og tókum ágætan göngutúr þaðan. Það var ágætt. Gaman að sjá alla landamerkjagarðana sem hlykkjast um allt. Maður heldur að maður sé að ganga í villtum skóg en það er víst ekki. Allt þetta land hér hefur verið rutt einusinni til tvisvar og stundaður á því landbúnaður. Sennilega fyrst rutt uppúr 1700. Um leið og hætt er að stunda landbúnað tekur skógurinn yfirhöndina. Það er fínt að labba í skóg, skuggi og svona, nema að einu leiti, maður sér ekkert, getur ekki fengið neina yfirsýn að ráði, eitthvað sem ég gleymi alltaf í skógleysi norðurhjarans. Við vatnið sem við lögðum bílnum sá maður vel græjufíkn landans. Þar kom hver pallbíllinn á fætur öðrum með bát eða vatnasleða á pallinum.

Pallbílar, hér eiga allir pallbíla. Ekkert endilega stærstu og sverustu gerð eins og oft virðist vera lenskan á Íslandi. Hérna eru allar hugsanlegar gerðir, mikið af nettum eindrifa bílum og á öllum hugsanlegum aldri. Maður sér ekkert mikið af gömlum fólksbílum en mikið af gömlum pallbílum. Væri alveg til í að eiga svona eins og nokkra.

Umferðarmenningin virðist vera ágætt. Það er allavegana ekkert mál að hjóla þótt maður þurfi að vera á götunum af og til. Það er tekið ótrúlega mikið tillit til manns. Töluvert meira en maður á að venjast. Umferðin er frekar afslöppuð og lítið um sjánlegan hraðakstur.

En best að láta þetta nægja í bili um Ameríkuna.

Svo er það afmæli dagsins.
Ef minnið bregst mér ekki þá á hún Dísa frænka mín afmæli í dag, 17 ára stelpan, til hamingju með það og farðu varlega í umferðinni :)

Kveðja Olgeir

07.07.07

2007-07-08T04:45:00.000+02:00

Í dag var okkur boðið í grillveislu hjá einum sem vinnur á rannsóknarstofunni hjá Lauren. Hann býr næstum út í sveit eða er alltént með stóra lóð þar sem hann hefur 2 hesta, 2 asna, 3 hunda, slatta af hænsum og kött. Hann bauð öllum í grill þar sem honum hafði áskotnast grís sem hann svo heilgrillaði.

Þetta var ljómandi skemmtilegt að sjá og mjög notaleg stemning. Myndir má sjá í myndaalbúminu.

Kveðja,
Ragga

Myndir

2007-07-06T19:12:00.000+02:00

Ég setti inn nokkrar myndir, látum gæðin liggja milli hluta.

Annars er allt fremur tíðinda lítið. Á meðan Ragga er í skólanum hjóla ég um bæinn og nærliggjandi sveitir. Keypti mér fína kortabók, svona til að rata heim og svo er ég með reiðhjól í láni. Það er enginn græja, en virkar ágætlega eftir örlitla aðlögunar meðferð með eins dollars skiptilykli. Hér er ágætt að hjóla, frekkar slétt allt saman. Verst að maður þarf stundum að vera á götunum þar sem ekki er mikið um stíga eða stéttir en það er tekið ágætis tillit til manns.

Kveðja Olgeir

Þrumuveður

2007-07-06T04:26:00.000+02:00

Núna er þrumuveður. Fyrst heyrðum við þrumur í fjarska og svo var eins og væri skrúfað frá krana, stórum krana, hef sjaldan eða aldrei séð svona mikla rigningu. Enda er allt stórt og mikið í Ameríku... nema kannski gangstéttirnar.

Kveðja Olgeir

Þjóðhátíðardagurinn 4.júlí

2007-07-05T01:45:00.000+02:00

Þá erum við búin að upplifa bæði þjóðhátíardag Norðmanna og Kanamanna. Það er óhætt að segja að Norðmennirnir taki daginn sinn heldur hátíðlegri heldur en Bandaríkjamennirnir. Okkur var boðið í garðpartý með stelpunni sem við leigjum hjá. Veislan var haldin í einbýlishúsi á stærð við hótel með garði á stærð við ágætis sumarbústaðalóð. Boðið var upp á grillmat og alls konar góðgæti. Mest var þetta fólk sem vinnur á rannsóknarstofunum í sjávarlíffræðihluta háskólans.

En til að byrja á byrjuninni þá flugum við hingað yfir á mánudaginn. Við fórum frá Tromsö um 7 leytið um morguninn og flugum til Osló þar sem við biðum í 6 tíma. Þá flugum við yfir til Íslands þar sem við biðum í 2 tíma. Það var mjög furðulegt að koma heim og fara strax aftur..hálf glatað.. en þannig er það nú bara. Þá tók við næstum 6 tíma flug yfir til Boston. Vegabréfaeftirlitið var ekki nærri eins strangt og við vorum búin að ímynda okkur og voru karlarnir bara kammó. Frá flugvellinum tókum við leigubíl á hótelið sem reyndist vera bara mjög fínt hótel eftir allt saman. Það var ótrúlega gott að sofna eftir um 22 tíma ferðalag. Daginn eftir tókum við svo leigubíl á South Station þar sem við tókum Greyhound rútu til New London. Það var um 3 tíma ferð og sá maður svo sem ekki mikið fyrir trjám nema í borgunum. Við fórum í gegnum Providence og einhverja smábæi. Svo þegar við síst bjuggumst við, í miðju skógarþykkninu, komum við að risastóru spilavíti .. og svo öðru aðeins lengra í burtu ekki síður stóru sem á að opna nú í sumar. Þar fóru flestir farþegarnir út. Þessi spiavíti eru víst þau stærstu í landinu fyrir utan Las Vegas.

Þegar við komum til New London vorum við sótt af stelpunni sem við leigjum af. Hún heitir Lauren og er phd nemi við UConn háskólann. Íbúðin er í 4 íbúða húsi og það eru geðveikislega þykk teppi á henni allri. Við erum með eitt herbergi sem er ágætlega rúmgott. Ísskápurinn og eldavélin eru í algerri yfirstærð eins og allt í þessu landi.

Við fórum að versla í gær þar sem allt er lokað í dag. Búðin er í minni kantinum á usa mælikvarða en við týndumst strax. Olli villtis í grænmetisdeildinni á meðan ég tapaði mér í kökulagernum og ostadeildinni. Við eigum algerlega eftir að rannsaka ísdeildina en hún virtist heldur stærri en Svalbardbutikken..í heild.

Í þessu landi er ekki gert ráð fyrir að fólk fari neitt labbandi og varla hjólandi. Í Groton eru varla neinstaðar gangstéttar og það er enginn eiginlegur miðbær. Þar sem miðbærinn ætti að vera er kafbátasmiðja og þyrluverkstæði. Einnig er gólfvöllur í miðjunni á byggðinni. Einbýlishúsin eru alls ráðandi og eru þau stór með stórum lóðum. Víðast hvar leynast líka gamlir bílar inn á milli sem eru að freista Olla doldið.

Háskólasvæðið er niður við sjó. Það er nokkuð stórt og samanstendur af eiginlega alveg nýjum byggingum og byggingum frá hernum sem voru byggð um 1930-1940. Við kíktum aðeins inn í rannsóknastofubyggingarnar þar sem við vorum að leita að kæliboxum og ís fyrir veisluna. Þeir eru með sér byggingu fyrir tilraunir sem nota ferskan sjó og sýndi Lauren okkur möttuldýrin sem hún er að vinna með.

Á morgun fer ég svo í fyrsta skiptið í vinnuna. Það verður eitthvað fróðlegt :p

Olli tók nokkrar myndir og við reynum að setja þær inn fljótlega.

Svo eru það afmælisbörnin þessa dagana:

Afi Karl hefði orðið 100 ára þann 2. júlí
Pabbi átti afmæli í gær þann 3. júlí
og Guðbjörg á svo afmæli í dag 4. júlí

Til hamingju með það :)

Annars bara bless í bili frá risalandinu,
kv
Ragga og Olli

Myndir

2007-06-30T01:32:00.000+02:00

Við settum inn myndir frá túr 21. júní til Pyramiden sem er yfirgefinn rússneskur kolanámubær á Svalbarða. Einnig nokkrar myndir frá síðustu dögunum í Longyearbyen og þeim fyrstu í Tromsö.
Kv. Olgeir

Tromsö

2007-06-28T11:56:00.000+02:00

..er geðveikislega græn! og það er búið að vera ferlega heitt líka eða um 17°C í skugga. Sem betur fer á þó að kólna þegar nær dregur að helginni. Ég hélt ég myndi bráðna O.o Þetta hlýtur þó að venjast en það er ekki laust við að ég sakni svalbarðska sumarsins :p

Á mánudaginn næsta fljúgum við svo vestur um haf og endum í Boston. Þar verðum við í eina nótt áður en við höldum áfram með rútu til New London þar sem verðum sennilega sótt. Ferðin endar svo í Groton þar sem við vorum búin að fá herbergi. Æsispennandi sem sagt..

Ragga

Með

2007-06-19T18:13:00.000+02:00

túpu af kavíar og pakka af hrökkbrauði er maður fær í flestan sjó. Fljótlegt gott og næringarríkt.

Það er helst að frétta að við erum komin með íbúð í Tromsö. Þetta er vonandi fín íbúð, heilir 35 fermetrar, tvö herbergi, eldhús á stærð við meðal hraunsprungu og bað. Þetta er stúdenta íbúð þannig að hún er með húsgögnum og helstu tækjum. Við erum ánægð með þetta því að flest á almenna markaðinum eru kjallarar og ekki með húsgögnum, nema maður fari í háar fjárhæðir eða langt frá háskólanum. Stúdentagarðurinn heitir Storskogåsen og er við Luleåvegen. Hér er hægt að sjá gagnvirkt kort af Tromsö. Hægt er að leita eftir heimilisfangi. Þið lendið sirka á réttum stað með að nota Luleåvegen númer 15.

Annars er lítið að frétta. Ég er búinn að vera að berja saman bréf til að sækja um vinnur, það tekur alltaf töluverðan tíma að skrifa rétt á norsku en hefst þó. Ég er líka byrjaður að pakka í kassa til að gera klárt til að senda til Tromsö. Það eru ekki nema tæpir sex dagar eftir, hérna á Svalbarða, hjá okkur.

Hér í Longyearbyen er á ferðinni gamall Bens, svona tuttuguogfimmára gamall haugur sem má muna fífil sinn fegri. Þessum bíl aka guttar sem eru sennilega ný komnir með prófið og stoppa því ekki á rúntinum. Sennilega er bæði biluð handbremsa og startari í þessum bíl. Ég hef séð til þeirra í tvígang þar sem þeir koma keyrandi, stoppa, einn hendist út og setur ýmist stein eða gamlan tjakk fyrir hjól svo bíllinn renni ekki. Og ekki er hægt að drepa á.
Þessir taktar minntu mig aftur á annað. Fyrir nokkrum árum vorum ég, Reynir og Elvar á rúntinum á gamalli Toyotu Crown sem Reynir átti. Við tókum einn sunnudags eftirmiðdag í smá spól í miðbæ Reykjavíkur. Það fór þannig fram að Reynir keyrði og ég og Elvar sátum í aftursætinu vopnaðir sitthvorum hálfslítersbrúsanum af sjálfskiptivökva. Við keyrðum hægt og rólega Austurstrætið, stoppuðum á miðri götunni, ég og Elvar opnuðum afturhurðirnar og sprautuðum slatta af sjálfskiptivökva á afturdekkinn á meðan Reynir stóð bremsur og bensín í botni. Úr þessu varð ansi myndarlegur reykur yfir miðborg Reykjavíkur. Það er vert að taka það fram að sjálfskiptivökvatrikkið var eina leiðin til að fá Toyotubrakið til að spóla.

En látum þetta nægja í bili.

Kveðja Olgeir

17. júní á Svalbarða

2007-06-18T00:15:00.000+02:00

Gleðilegan þjóðhátíðardag.

Í tilefni dagsins fórum við í göngutúr upp á Platåberget sem sést hérna beint frá glugganum okkar. Við höfum ætlað að fara þetta nokkuð lengi en létum loks verða af því í dag þar sem veðrið var með eindæmum gott. Sólin skein í heiði og það var næstum vindlaust. Einnig held ég að hitinn hafi verið um 8°C sem er nokkuð gott.

Myndir úr göngutúrnum eru komnar inn á myndasíðuna.

Í kvöld bökuðum við svo kökur til að gera daginn enn hátíðlegri :p og meira að segja þá kom frægt fólk í heimsókn og borðaði af kökunum okkar. Það voru tveir meðlimir hins alræmda gengis Frosen Five en þau voru einmitt að koma úr örlitlum göngutúr í fyrradag. Þau gengu ekki nema 1050 km á 77 dögum. Nokkuð gott það. Í tenglasafninu okkar má finna linki inn á síðuna þeirra.

Önnur síða sem vert er að skoða er síðan hennar Laurel sem bjó með okkur hérna í Brakke 3. Núna er hún í Síberíu, nánar tiltekið Cherskiy þar sem hún vinnur á Permafrost rannsóknarstöð. Þar nota þau 12 tonna skriðdreka til að líkja eftir áhrifum mammúts á gróðurlendi. Skemmtileg lesning en samt algerlega klikkað! Linkinn má líka finna hér

Kærar kveðjur,
Ragga og Olli

Allt að gerast.. en samt ekki..

2007-06-07T23:41:00.000+02:00

Nú styttist óðfluga í að við förum frá Longyearbyen. Þá verður þessum Svalbarðakafla endanlega lokið sem er ótrúlega furðulegt. Hvernig gátu 6 mánuðir liðið svona hratt?? Við erum enn ekki komin með íbúð í Tromsö en það hlýtur að reddast fyrr en seinna.

Mesta stressið þessa dagana hjá mér er að undirbúa sýnin mín fyrir sendingu til Amríku en það er kolólöglegt að senda sýni varðveitt í alkóhóli þangað yfirum. Bölvað vesen :/ en vonandi reddast það. Það versta í stöðunni væri sennilega að tollurinn myndi gera öll sýnin mín upptæk.. hmm.. þá fer ég nú bara heim grenjandi sko!

Olli er að njóta þess í botn að vera í fríi. Það er samt frekar skondið að daginn sem hann hætti þá byrjuðu vinnufélagar hans að vinna hérna fyrir utan Brakke 3. Ég fékk hann svo til að vinna aðeins fyrir mig í dag við að merkja sýnadollur. Annars er hann bara að sinna sýnum andlegu málefnum og hugsa um mótorhjól daginn út og inn. Nú eða þá reiðhjól.. Magnað alveg hreint.

Í gær fórum við í japanskan kvöldverð til Eri og Pekka. Eri hefur áður boðið okkur í japanskan kvöldverð og var gærkvöldið ekki síðra en fyrra skiptið. Við fengum karrýrétt, djúpsteikt grænmeti, shusi og e-ð sem minnti á hið rússneska palmani sem Pierre býr stundum til hérna hjá okkur. Í eftirrétt var svo sætt baunamauk vafið inn í deig og djúpsteikt. Allt ákaflega ljúffengt.

Um daginn vorum við með smá partý með íslensku þema. Þannig var að mamma sendi okkur gommu af alls konar krásum svo við gætum leyft félögum okkar hérna að smakka íslenskan mat. Við elduðum hangikjöt með jafningi og kartöflum og öllu tilheyrandi. Svo vorum við með smá slátur, harðfisk, hákarl, brennivín, malt, appelsín og tópas. Hangikjötið rann voða ljúft ofan í fólkið og ég held að ef Pierre kæmi til Íslands þá væri það bara fyrir maltið og appelsínið..hehe.. Í það heila mæltist þetta vel fyrir þar til kom að hákarlspartinum. Fólkið lét sig samt hafa tvo skammta og brennivín með. Það var samt tekið fram þegar okkur var boðið í japanska kvöldverðinn að hákarlinn mætti alveg vera heima :p

Síðasta föstudag þá var síðasti föstudagshittingurinn þessa önnina. Upp á það var haldið með strandpartýi og var grillað og dansað fram eftir nóttu. Sumir fóru í sundföt og tóku sundsprett í firðinum og enn aðrir fóru ekki í sundföt og tóku samt sundsprett í firðinum. Við vorum líka með varðeld og huggulegheit. Sólin skein glatt allan tímann og mér tókst meira að segja að brenna í framan (takið eftir því) í heimskautamiðnætursólinni.

Kveðja,
Ragga

2007-06-04T23:16:00.001+02:00

Ég setti inn link á myndasíðu sem einn af starfsmönnum UNIS heldur úti. Ótrúlega skemmtilegar myndir frá ferðum nútíma heimskautahetju. Myndasíðuna má sjá hér

2007-06-04T22:04:00.000+02:00

Settum inn myndir í dag af ísbirninum góða.

Annars allt heldur tíðindalítið. Olli er kominn í frí og ég er að keppast við sýnin mín.

Meira síðar..
kv
Ragga

Olli heppni aparass

2007-05-30T23:13:00.001+02:00

Olli var að hringja í mig rétt í þessu til að monta sig yfir því að hafa séð ísbjörn. Þegar hann var rétt kominn úr mat áðan þá barst sá orðrómur um matsalinn að það gæti verið sniðugt að fara í smá bíltúr út að höfn. Það þarf auðvitað ekki að taka það fram að allir þurstu út og brunuðu á seinna hundraðinu út á Kapp Amsterdam. Þaðan var hægt að sjá bjössa bíða við vök í svona um 150 metra fjarlægð. Hann var ekki mikið að kippa sér upp við allt fólkið sem góndi á hann heldur geyspaði bara og beið eftir næsta sel.

Ég verð bara að sætta mig við að sjá myndir af herlegheitunum. Ég get þó sagst hafa séð ísbjörn með góðri samvisku því ég man ekki betur en ég hafi séð ísbjörninn sem var í Sædýrasafninu sem var og hét :p

Annars bara bla..

kv
Ragga

Myndir

2007-05-28T22:30:00.000+02:00

Við settum inn nokkrar myndir frá Barentsburgarferðinni. Endilega kíkja á þær :)

Annars er það helst að frétta að veturinn er kominn aftur. Það er búið að snjóa meira eða minna síðustu 24 tímana. Sem betur fer hefur þó ekki mikið safnast fyrir.

Í gærkvöldi fórum við í smá miðnæturgöngutúr upp í hlíðar Plateufjellet. Þar fundum við drjúgan slatta af steingervingum merkilegt nokk. Gaman að því.

Kveðja,
Ragga og Olli

Samfélagið

2007-05-27T19:39:00.000+02:00

Jæja best að blogga smá.
Nú eru flestir Unis stúdentarnir sem við höfum umgengist að fara. Í gærkvöldi vorum við í kveðjuveislu í bragga fjögur þar sem Karlotta býr eða bjó. Þetta var fín kökuveisla sem endaði á að flestir fóru út að spila krikket og hafnarbolta. Það er svolítið sérstakt þegar fólk er að fara, þessum Svalbarðakafla fer senn að ljúka.

Þetta er svolítið sérstakt samfélag hérna á Svalbarða. Ragga telur það karllægt, sem er sennilega rétt. En fyrst og fremst held ég að það sé vélvætt allavegana hjá innfæddum. Hér eiga að sjálfsögðu allir vélsleða eins og ég hef oft minnst á. Einnig eru ótrúlega mörg mótorhjól og skellinöðrur hér. Ragga telur að mótorhjóla eignin sé engöngu af praktískum ástæðum, það er til að menn geti notað hjálmana sína allt árið. Hér eru börn alin upp í mótorsamfélagi. Á veturnar renna krakkar sér á sleðum sem hafa útlit vélsleða. Aðal vetrarsportið er að láta foreldrana draga sig með vélsleða á skíðum eða sleða. Núna eru allir krakkar komnir á reiðhjól og stunda stíft prjón og stökk æfingar á planinu við búðina, og eru bara nokkuð góð að prjóna. Við barna og unglingaskólann er sérstkakt skilti sem vísar á stæði fyrir skellinöðrur og mótorhjól. Á Íslandi hefði engöngu verið sett upp skilti sem bannaði skellinöðrur og mótorhjól.
Ég er kominn með vott af mótorhjóladellu. Ég er ekki viss um hvort þetta er þessi árlega vordella eða hvort hún risti dýpra. Í ár eru tíu ár síðan ég átti síðast mótorhjól. Það gæti verið gaman að halda upp á það með því að kaupa sér eins og eitt BMW ferðahjól, svona malbiks og malarvega hjól. Sá eitt auglýst hérna um daginn á fínu verði....
Næsta vika verður sennilega síðasta vikan mín í vinnu hér á Svalbarða og ég mun að öllum líkindum eyða henni í Svea samkvæmt venju. Ég hafði látið hvarfla að mér að vinna eina viku til en verkefnastaðan er víst ekkert alltof góð hér í Longyearbyen og ég er ekki tilbúinn að vera í Svea fram á síðasta dag. Auk þess er ég ekkert mjög spenntur fyrir ilmandi klóakverkefnum.

En jæja núna er best að fá sér göngutúr eða að lesa mótorhjólablað.

Kveðja Olgeir

19.maí Barentsburg

2007-05-20T20:36:00.000+02:00

Við fórum til Barentsburg með bát núna á laugardaginn. Við lögðum af stað frá Longyearbyen klukkann níu um morguninn og komum til baka um kvöldmatarleytið. Þetta var að mörgu leyti ágætis túr, að vísu hefði veðrið mátt vera aðeins betra. Báturinn sem við fórum á var 27m langur stálbátur frá 1954 og heitir MS Langöysund. Ágætt skip nema það gekk alltof hægt. Við byrjuðum á að fara út og yfir Ísfjörðinn og sigldum þar upp að skriðjökli sem kemur fram í sjóinn. Þar sigldum við aðeins inn í hafís sem var svolítið sérstakt. Upp á ísnum lág rostungur, við komumst að vísu bara í kíkisfæri við hann en það var samt flott að sjá hann. Svo var planið að koma hundamat í land þarna en það gekk ekki vegna ís. Upp á landi sá maður fjóra hundasleða, hunda og tjaldbúðir. Svo var grillað um borð og stefnan tekin á Barentsburg. Við komum til Barentsburg um klukkan tvö og höfðum því bara eina og hálfa stund þar sem var allt of lítið. Við höfðum rússneska leiðsögumenn sem sýndu okkur bæinn og fræddu. Í lokinn gátum við svo rétt komist á safnið og mynjagripabúðina. Alltaf uppgvötvar maður eitthvað nýtt um Barentsburg. Barentsburg var svo til sjálfbær bær á tímabili. Þar var kúabú, svínabú og gróðurhús sem sá þeim fyrir matvælum. Núna er bara svínabú með um 100 svín.
Á heimleiðinni var svo siglt meðfram ströndinni og hún skoðuð.
Við tókum ekki nema 315 myndir, við erum ekki búinn að velja úr ennþá en það kemur.

Kv. Olgeir